Tags-Judai

use to dukh hī nahīñ kuchh mirī judā.ī kā
sazā ḳhud apne liye hī shadīd kar lī hai

tum se judā.ī kā kyā ronā
ye to qismat meñ likkhī thī

āshiqī meñ jo maza hai to yahī furqat hai
lutf kyā thā jo agar us se judā.ī hotī

ḳhalal-pazīr huā rabt-e-mehr-o-māh meñ vaqt
batā ye tujh se judā.ī kā vaqt hai ki nahīñ

har milan judā.ī kī avvalīn manzil hai
vasl hī se juḌtā hai silsila bichhaḌne kā

ishq meñ vasl-o-judā.ī se nahīñ kuchh guftugū
qurb-o-bād us jā barābar hai mohabbat chāhiye

sirhāne mudda.ī aayā to jaanā
judā.ī kī ghaḌī sar par khaḌī hai

ye ham hī jānte haiñ judā.ī ke moḌ par
is dil kā jo bhī haal tujhe dekh kar huā

na pūchh soz-e-judā.ī ko ham se ai hamdam
jalā kiyā ye dil-e-dāġhdār saarī raat

sarishk-e-ġham kabhī sham-e-judā.ī ko bujhā deñge
yahī taare baneñge āftāb āhista āhista

ġham azīzoñ kā hasīnoñ kī judā.ī dekhī
dekheñ dikhlā.e abhī gardish-e-daurāñ kyā kyā

parvāna rañgoñ ke urs-e-judā.ī meñ sair-e-charāġhāñ hai jān-e-'sirāj' aaj
raushan fatīle haiñ aahoñ ke sho.aloñ ke siine meñ kore sakoroñ kī mānind

fāsle the na judā.ī thī na tanhā.ī thī
terī qurbat kā vo lamha bhī ġhazal jaisā thā

hamārā dil kisī gahrī judā.ī ke bhañvar meñ hai
hamārī aañkh bhī nam hai kabhī milne chale aao

haa.e vo pahle-pahal terī judā.ī kī ghaḌī
ab to piine kī koī chaah koī ḳhū bhī nahīñ

har har saañs havā amrit ras meñ yā Duubī bas meñ
vasl ho yā āshob-e-judā.ī sab ke saath chalo

dariyā dariyā naav bahe to gorī giit protī jaa.e
un gītoñ kī taan amar hai jin kā rañg judā.ī hai

marīz-e-hijr ye samjhā jo chamkī charḳh pe barq
ye aag señkne laa.ī shab-e-judā.ī choT

'dāġh' ab vasl kā visāl huā
yaar zinda ġham-e-judā.ī hai

judā.ī se hove mafrūr jaañ qālib ke suuba suuñ
apas dīdār suuñ kartī haiñ phir us kuuñ bahāl añkhiyāñ