Tags-Kamar

ai 'saḳhī' aaj to kuchh ḳhair nahīñ
vo kamar ho ke ḳhafā bāñdhte haiñ

bārīk-nigārī kī tamannā to hai lekin
miltā nahīñ mazmūn-e-kamar DhūñDh rahā huuñ

liye halqe meñ hoñ sab ahl-e-mahshar
kamar meñ haath ho qātil ho ham huuñ

aisā lagtā hai rākshas koī
ek gāgar kamar meñ laTkā kar

hai girah mū-e-kamar kī nāf-e-yār
fikr ne apne ye uqda vā kiyā

ab to mujhe ġhaib-dāñ kaheñ sab
maiñ terī kamar ko dekhtā huuñ

kamar kī baat sunte haiñ ye kuchh paa.ī nahīñ jaatī
kahe haiñ baat aisī ḳhayāl meñ mere nahīñ aatī

mirrīḳh-pan mizāj meñ a.azā meñ nāzukī
teġh-e-shuā bāñdhiye apnī kamar se aap

Dartā huuñ kahīñ taab nazākat se na khāve
mū-e-kamar us zulf-e-pareshāñ se ulajh kar

muft uThne ke nahīñ yaar ke kūche se 'faqīr'
jab ki bistar ko jamā khol kamar baiTh ga.e

dāman sambhāl bāñdh kamar āstīñ chaḌhā
ḳhanjar nikāl dil meñ agar imtihāñ kī hai

zabah karne kuuñ nāhaq be-kasoñ ke
batā terī kamar ye kin kasā.ī

naam hī naam suno un kā vo aaveñ na nazar
hai yahī bas dahan-e-tañg-o-kamar kī ḳhūbī

haiñ na zindoñ meñ na murdoñ meñ kamar ke āshiq
na idhar ke haiñ ilāhī na udhar ke āshiq

chhup rahe hoñge nazar se kahīñ anqā kī tarah
tauba kiije kahīñ marte haiñ kamar ke āshiq

hinā jo hāthoñ meñ us ke dekhī to rañg dil kā huā ajab kuchh
kamar bhī dekhī to aisī nāzuk ki ho bhī is par nisār dekhā

ruḳhsār haiñ ziyā meñ qamar se ziyāda-tar
jin par Thahar sakī na kabhī shams kī nazar

patlī gardan patle abrū patle lab patlī kamar
jitnā bīmār aadmī itnā trahdār aadmī

us kī jo kamar hove to khīñche koī 'hātim'
kyā apnā sar aa kar yahāñ bahzād karegā

māroge kis ko jī se kis par kamar kasī hai
phirte ho kyuuñ pyāre talvār Dhaal bāñdhe