Tags-Kamar

vo piiTh gorī kamar vo patlī ġhazab lagāvaT vo phir surīn kī
ab aage kahiye to kyā kahūñ maiñ ki hosh is jā ThiThuk rahā hai

nāzuk kamar vo aise haiñ vaqt-e-ḳhirām-e-nāz
zulfeñ jo kholte haiñ to bal khaa.e jaate haiñ

fikr hai shauq-e-kamar ishq-e-dahāñ paidā karūñ
chāhtā huuñ ek dil meñ do makāñ paidā karūñ

dil hī apnā hai chīnī-e-mū-dār
hisse aa.e na vo kamar sab ke

pahuñche haiñ tā-kamar jo tire gesū-e-rasā
ma.anī ye haiñ kamar bhī barābar hai baal ke

mujhe rah meñ mile the vo bāñdhe kamar chale jaate the baaġh ko vaqt-e-sahar
unheñ laatā pakaḌ mujhe kis kā thā Dar pa fareb ke qaul-o-qasam se chhuTe

jis din se vo ḳhayāl meñ terī kamar ke hai
anqā kā aur dil kā mire hai surāġh ek

zulf ke baar se kamar lachke
kis qadar nāzuk ai miyāñ ho tum

andāza go kar hī chuke haiñ aa jaatī hai muTThī meñ ye
aaj magar be-parda kareñge dekheñge patlī sī kamar ham

aur mileñge chhoḌ na deñge sun ke sadā-e-murġh-e-sahar ham
halqa donoñ haath kā apne Daal rakheñge gird-e-kamar ham

Thahrī hai bāham lutf kī baazī pahle jo paa.e jiit usī kī
vasl kī shab hai DhūñDh rahe haiñ dil vo hamārā un kī kamar ham

tum ko nazākat aur ḳhudā de ham ko lazzat aur ḳhudā de
pā.eñche tum chuTkī se uThā lo thāme hue chalte haiñ kamar ham

kahtī haiñ zulfeñ mushkīñ kas leñ koī jo Daale haath kamar meñ
phail ke so.o Dar kyā tum ko gasht kareñge gird-e-kamar ham

barq kyuuñ un ko jalāne pe kamar-basta hai
maiñ to chhāñv meñ kisī peḌ kī baiThā hī nahīñ

shāḳh-e-gul kī hai qasam merī rag-e-jāñ kī qasam
tum zarā apnī kamar kī ye lachak to dekho

kartī hai kamar-basta safar par bhī yahī zaat
jab duur nikal jaatā huuñ detī hai sadā bhī

sarv ke chehra kamar siina kahāñ
is ko kyā tashbīh qadd-e-yār se

phir hamārā dil-e-gum-gashta bhī mil jā.egā
pahle tū apnā dahan apnī kamar paidā kar

karne kuuñ qatl āshiq-e-jāñ-bāz ke sanam
le teġh-e-nāz haath kamar rakh kaTār chal

us ke ishq-e-kamar meñ ai yaaro
ham to kahne lage ḳhayāl kā sher