Tags-Kanta

maiñ jis dariyā meñ kāñTā Dāltā thā
sunā hai ab vahāñ machhlī nahīñ hai

ye ik shajar ki jis pe na kāñTā na phuul hai
saa.e meñ us ke baiTh ke ronā fuzūl hai

jaane is rah-rav kī nazreñ kaun sī manzil pe hoñ
ek kāñTā sā khaTakte haiñ dil-e-rahbar meñ ham

phūloñ ne hañs ke Taal diyā vaqt par hameñ
kāñTā magar bahār ke hālāt kah gayā

qadam Tak dekh kar rakh 'mīr' sar dil se nikālegā
palak se shoḳh-tar kāñTā hai sahrā-e-mohabbat kā

ishq kī teġh-e-jigar-dār uḌā lī kis ne
ilm ke haath meñ ḳhālī hai niyām ai saaqī

ruk gayā haath tirā kyuuñ 'bāsir'
koī kāñTā to na thā phūloñ meñ

maiñ baḌhā.ūñ haath jis kāñTe kī jānib shauq se
haath meñ aa kar vo kāñTā phuul ho jaa.e to phir

zālim kī aarzū ne jagah lī hai is tarah
dil meñ chhupā huā koī kāñTā kaheñ jise

ārām kyā ki jis se ho taklīf aur ko
pheñko kabhī na paañv se kāñTā nikāl ke

na dekhūñ maiñ us gul ke pahlū meñ kāñTā
uḌe ġhair aisī huā chāhtā huuñ

vasl kā gul na sahī hijr kā kāñTā hī sahī
kuchh na kuchh to mirī vahshat kā sila de mujh ko

jab bhī mere paañv meñ kāñTā chubhā
patta patta baaġh kā rone lagā

dil ishq meñ tabāh huā yā ki jal gayā
achchhā huā ḳhalish ga.ī kāñTā nikal gayā

pā-e-idrāk meñ chubhtā huā kāñTā niklā
ishq ke daam meñ ḳhud apnā sarāpā niklā

vo aa.e the pahlū meñ behosh thā maiñ huī hogī dil par bahut kuchh navāzish
magar kyā ḳhabar mujh ko allāh jaane tamannā nikālī ki kāñTā nikālā

chun liyā ik ek kāñTā raah kā
ho mubārak ye barahna-pā.iyāñ

maiñ gul-parast bhī gul se nibāh kar na sakī
shu.ūr-e-zāt kā kāñTā bahut nukīlā thā

sohbat-e-gul-badnāñ meñ 'shohrat'
dil meñ kāñTā sā khaTaktā kyuuñ thā

usī ne sar pe biThāyā thā jis ne aaj 'na.īm'
samajh ke paañv kā kāñTā mujhe nikāl diyā