Tags-Kanta

kyā ḳhuub mere baḳht kī manDve chaḌhī hai bel
nā baaġh na bahār na kāñTā nā phuul huuñ

burā.ī ḳhatm karne ko buroñ kā haath bhī thāmā
'asar' kāñTe se ham ne paaoñ kā kāñTā nikālā hai

ham bhārat kī phulvārī ke rañg birañge phuul
ik duuje ko kāñTā samjheñ ye hai apnī bhuul

ghise sab nāḳhun-e-tadbīr aur TuuTī sar-e-sozan
magar thā dil meñ jo kāñTā na hargiz vo kabhū niklā

dast-e-qātil se kuchh ummīd-e-shafā thī lekin
nok-e-ḳhanjar se bhī kāñTā na gulū kā niklā

pal pal kāñTā sā chubhtā thā
ye milnā bhī kyā milnā thā

ġham-e-vafā ko pas-e-pusht Dālnā hogā
khaTak rahā hai jo kāñTā nikālnā hogā

ishq kā kāñTā hamāre dil meñ ye kah kar chubhā
ab nikalvāo to tum un se nikalvānā mujhe

phuul sī har tasvīr meñ zehn kī dīvāroñ se utaar chukā huuñ
phir bhī dil meñ kāñTā sā kyuuñ rah rah kar chubhtā rahtā hai

mizha tak aatā jaatā hai badan kā sab lahū khiñch kar
kabhī kyā is tarah bhī yaad kā kāñTā nikaltā hai

tere raste kā jo kāñTā bhī mayassar aa.e
maiñ use shauq se collar par sajā.ūñ apne

kāñTā huā huuñ suukh ke yaañ tak ki ab sunār
kāñTe meñ taulte haiñ mire ustuḳhāñ kā bojh

zindagī chubh rahī hai kāñTā sī
gar ye nikle to sab ḳhalal jaave

ye baat kis se kahūñ aah ik gul-e-ḳhūbī
baḌe hī pyaar se kāñTā chubho gayā mujh ko

dard kā har ek ke ehsās kāñTā hī sahī
ye vo kāñTā hai jise dil meñ chubhonā paḌ gayā

kitnī saada thī hathelī mirī rañgīn huī
merī uñglī meñ utar aayā hai kāñTā kaisā

kis ke ruḳhsār dam-e-sair-e-chaman yaad aa.e
phuul āñkhoñ meñ khaTakne lage kāñTā ho kar

jahāñ bhar ko matā-e-lāla-o-gul baḳhshne vaalo
hamāre dil kā kāñTā bhī kabhī tum ne nikālā hai

hijr meñ yād-e-mizha aur bhī taḌpātī hai
qalb-e-bismil meñ khaTaktī hai ye kāñTā ho kar

yaad aate haiñ chaman meñ jo kisī ke aariz
gul khaTakte haiñ mirī āñkhoñ meñ kāñTā ho kar