Collections

Lab Shayari

Motivational Ghazals

Best Khamoshi Shayari

More Collections

Tags-Kanta

āñkhoñ meñ mish.aleñ haiñ firozāñ davām kī
dil meñ hai terī yaad kā kāñTā chubhā huā

rah-e-talab mein aaj ye kya moajaza hua

bhuul jā raat kā chubhā kāñTā
phuul ab to khilā gayā sūraj

raat din aag mein pala suraj

kyā batā.ūñ dil meñ kis kī yaad kā
ek kāñTā chubh rahā hai mustaqil

chahaton ka silsila hai mustaqil

kāñTā vo de ki jis kī khaTak lā-zavāl ho
yā-rab vo dard jis kī kasak lā-zavāl ho

kya ishq ek zindagi-e-mustaar ka

kāñTā sā ek dil meñ khaTaktā hai mustaqil
par dil kī baat kahne kī aadat nahīñ rahī

aankhon ko ab nigah ki aadat nahin rahi

ḳhār-e-hasrat bayān se niklā
dil kā kāñTā zabān se niklā

Khaar-e-hasrat bayan se nikla

ashk jab dīda-e-tar se niklā
ek kāñTā sā jigar se niklā

ashk jab dida-e-tar se nikla

jo īsār aur hamdardī shi.ār apnā banā loge
to kāñTā bhī tumheñ rashk-e-gul-e-bāġh-e-jināñ hogā

fida allah ki KHilqat pe jis ka jism o jaan hoga

kāñTā hai vo ki jis ne chaman ko lahū diyā
ḳhūn-e-bahār jis ne piyā hai vo phuul hai

hum ko to intizar-e-sahar bhi qubul hai

kāñTe se bhī nichoḌ lī ġhairoñ ne bū-e-gul
yāroñ ne bū-e-gul se bhī kāñTā banā diyā

kanTe se bhi nichoD li ghairon ne bu-e-gul

nashtar-e-mizhgāñ kī tezī ke sabab
ek kāñTā hai dil-e-pur-ḳhār meñ

dil pukara phans ke ku-e-yar mein

murġhān-e-bāġh tum ko mubārak ho sair-e-gul
kāñTā thā ek maiñ so chaman se nikal gayā

puchha na jaega jo watan se nikal gaya

kāñTā sā khaTaktā hai kaleje meñ ġham-e-hijr
ye ḳhaar nahīñ dil se gul-andām nikaltā

gar ghair ke ghar se na dil-aram nikalta

zaḳhm bigḌe to badan kaaT ke pheñk
varna kāñTā bhī mohabbat se nikāl

zaKHm bigDe to badan kaT ke phenk

tumheñ shāyad patā ho yā na ho shāyad patā tum ko
ki sāloñ-sāl lagte haiñ chubhā kāñTā nikalne meñ

hamare panw Darte hain tumhaare sath chalne mein

phūloñ se pyaar kar magar mujh ko na dil-figār kar
kāñTā bhī huuñ agar to kyā phūloñ ke darmiyāñ huuñ maiñ

simTun to sifr sa lagun failun to ek jahan hun main

vo aa rahā hai merī taraf reñgtā huā
kāñTā talab kā chubh gayā patthar ke paañv meñ

shahron ki KHak chhan kar aaya hun ganw mein

kāñTā to ban gayā maiñ kisī ḳhārzār meñ
lekin kabhī gul-e-chamanistāñ na ban sakā

hindu na ban saka main musalman na ban saka

na ham-safar na kisī ham-nashīñ se niklegā
hamāre paañv kā kāñTā hamīñ se niklegā

na ham-safar na kisi ham-nashin se niklega

ik arse baad huī khul ke guftugū us se
ik arse baad vo kāñTā chubhā huā niklā

darun-e-jaan ka shagufa jala hua nikla