Tags-Kanta

vo aag hai ki saarī jaḌeñ jal ke rah ga.iiñ
vo zahr hai ki phuul se kāñTā huā huuñ maiñ

jism meñ ḳhvāhish na thī ehsās meñ kāñTā na thā
is tarah jaagā ki jaise rāt-bhar soyā na thā

kyā batā.ūñ dil meñ kis kī yaad kā
ek kāñTā chubh rahā hai mustaqil

kāñTā sā ik chubhā thā mire dil meñ ḳhauf-e-marg
maiñ ne zarā sā zor lagāyā nikal gayā

kyā shai hai ta.alluq bhī kyā chiiz hai nisbat bhī
jab zikr tirā aa.e kāñTā sā khaTak jaa.e

āñkhoñ meñ khaTaktī hai yahī daulat-e-duniyā
har sikke kī machhlī meñ bhī kāñTā nazar aayā

nazar kar us kī Tuk nairañgiyoñ par chashm-e-hairat se
kahīñ gul hai kahīñ kāñTā kahīñ hai kaah sūrat meñ

jab na dekhe chaar din us gul-badan ke haath paañv
suukh kar kāñTā hue ahl-e-chaman ke haath paañv

is dard meñ kyā kyā hai rusvā.ī bhī lazzat bhī
kāñTā ho to aisā ho chubhtā ho to aisā ho

jī meñ hai chiir ke siina maiñ nikālūñ dil ko
tā kisī Dhab se to pahlū kā ye kāñTā nikle

sanam kī zulfāñ ko hijr meñ ab ga.e haiñ mujh nain haiñ ḳhvāb rāhat
lage hai kāñTā nazar meñ sonā kaTeñgī kaise ye kaalī ratiyāñ

vasl kā gul na sahī hijr kā kāñTā hī sahī
kuchh na kuchh to mirī vahshat kā sila de mujh ko

us kī chubhan se maut hī behtar hai ham-nashīñ
kāñTā chubhā hai jo mire paañv meñ in dinoñ

Dere Daale haiñ ḳhizāñ ne chau-des
gul to gul baaġh meñ kāñTā na rahā

baḌā ehsāñ kiyā jo dil ko mere khīñch kar kāḌhā
ki muddat se mire siine meñ juuñ kāñTā khaTaktā thā

kar ga.e ḳhushk bharī jhiil ta.assuf ke kañval
suukh kar kāñTā hue raat bhigone vaale

jo bhī gul hai vo kisī pairhan-e-gul par hai
jo bhī kāñTā hai kisī dil meñ chubhā miltā hai

dil shagufta huā na phūloñ se
koī kāñTā girah-kushā na huā

na ham-safar na kisī ham-nashīñ se niklegā
hamāre paañv kā kāñTā hamīñ se niklegā

āñkhoñ meñ khaTaktī hī rahī daulat-e-duniyā
har sikke kī machhlī meñ bhī kāñTā nazar aayā