Tags-Kashti

kis liye mere nāḳhudā ban kar
merī kashtī Dubo rahe ho tum

Dar hai yahī ki kashtī-e-mazmūñ na Duub jaa.e
rah rah ke itnī maujeñ na bahr-e-zabāñ uThā

samundar kī tujh ko duā hai ki ab tū
kināre pe kashtī Duboyā karegā

ḳhudā hī hai mirī kashtī kā hāfiz
ḳhudā ke vāste tū nāḳhudā jā

bādbāñ chaak hai aur bād-e-muḳhālif muñh-zor
hausla ye hai ki kashtī ko ravāñ rakhte haiñ

har ghaḌī ḳhud se ulajhnā hai muqaddar merā
maiñ hī kashtī huuñ mujhī meñ hai samundar merā

ham ko pasand aa gayā sāhil kā mashvara
kashtī kī lakḌiyāñ the shajar ho ke rah ga.e

ishq kashtī apnī ḳhud khetā hai apne zor par
nā-ḳhudā se vāsta kyā aur ḳhudā se kyā ġharaz

ham kashtī-e-ishq ke musāfir
utre nahīñ paar yaad rakhnā

āñkhoñ meñ rahā dil meñ utar kar nahīñ dekhā
kashtī ke musāfir ne samundar nahīñ dekhā

itnī sī aañkh ne ġham kitnā uThā liyā hai
kashtī ne apne andar dariyā uThā liyā hai

aate rahe jaate rahe kashtī ke musāfir
pairoñ se lipaTte rahe baalū kī tarah ham

is ghar meñ mire saath basar kar ke to dekho
TuuTī huī kashtī meñ safar kar ke to dekho

vo kashtī aaj Duubā chāhtī hai paas sāhil ke
salāmat ek muddat tak rahī jo bahr-e-tūfāñ meñ

ḳhush-baḳht ġharq bahr-e-takalluf meñ ho ga.e
TuuTe hue nasīb kī kashtī guzar ga.ī

duur se jab sāhil-e-ummīd-o-yās aayā nazar
daf.atan ik mauj kashtī se vo Takrā.ī ki bas

tū ne kahā na thā ki maiñ kashtī pe bojh huuñ
āñkhoñ ko ab na Dhāñp mujhe Dūbte bhī dekh

rafta rafta dīda-e-tar ko Duboyā ashk ne
paanī riste riste kashtī merī tūfānī huī

tum kāġhzī kashtī meñ dariyā ko paar karo tab samjhoge
ashkoñ se labālab āñkhoñ meñ kyuuñ ḳhvāb sajānā mushkil hai