Tags-Kashti

tuġhyān-e-havādis kī hamdam itnī hī navāzish kyā kam hai
kashtī na sahī sāhil na sahī tūfāñ to hamāre hote haiñ

kashtī-o-nā-ḳhudā bahut ḳhatre
ka.ī tūfāñ ka.ī bhañvar mujh meñ

abhī kuchh Thokareñ khānī haiñ tūfān-e-havādis meñ
kahīñ kashtī mirī sharminda-e-sāhil na ho jaa.e

lā idhar, sāmne laa, TuuTī huī kashtī ko
maiñ salāmat huuñ vo taḳhte mujhe vāpas kar de

is tarah khīñchtī haiñ mujh ko kisī kī āñkheñ
jaise tūfān meñ kashtī ko bhañvar khīñchtā hai

apne hī bojh se har Dūbne vaalā Duubā
varna tūfān se kashtī to nikal aa.ī thī

burī aur bhalī sab guzar jā.egī
ye kashtī yūñhī paar utar jā.egī

kināre lag chukī hai sab kī kashtī
akelā maiñ ubhartā Dūbtā huuñ

tez havā se Takrāne meñ ek hunar thā kashtī kā
log tamāsha dekh rahe the baiThe duur kināroñ se

kar ke dariyā ko paar merī tarah
tū bhī kashtī kabhī jalā ke to dekh

ek kashtī banā hī diije mujhe
koī dariyā ke paar hai sā.īñ

nigal ga.e sab kī sab samundar zamīñ bachī ab kahīñ nahīñ hai
bachāte ham apnī jaan jis meñ vo kashtī bhī ab kahīñ nahīñ hai

ahl-e-kashtī ko to sāhil ke hī ḳhvāb aate haiñ
taktā rahtā hai safīnoñ ke samundar chehre

pahle kashtī Duub jaatī thī nazar ke sāmne
ab giregā bahr-e-oqiyānnūs ke baar aadmī

gardish-e-daurāñ kī zad meñ yuuñ hai apnī zindagī
jaise chakrātī ho kashtī halqa-e-girdāb meñ

bahut muzir dil-e-āshiq ko aah hotī hai
isī havā se ye kashtī tabāh hotī hai

nā-ḳhudā ke baġhair kuchh na banā
apnī kashtī bhī ḳhud Dubo na sake

kashtī savār-e-umr huuñ bahr-e-fanā meñ 'zauq'
jis dam bahā ke le gayā tūfān bah gayā

dariyā-e-ashk se dam-e-tahrīr hāl-e-dil
kashtī kī tarah merā qalam-dān bah gayā

dil kyūñke raast aave da.avā-e-āshnā.ī
dariyā-e-husn vo mah-e-kashtī-ba-kaf gadā tū