Tags-Kashti

ravāñ davāñ hai yūñhī kashti-e-zamāñ ab bhī
magar vo lamha jo dil ne guzārne na diyā

ufuq pe nuur kā dariyā hai rañg kī kashtī
hai intizār meñ kis ke nigār-e-nik.hat-e-gul

mujh ko gherā hai tūfān ne is qadar kuchh na aa.e nazar
merī kashtī ga.ī yā kināra gayā maiñ to maarā gayā

ham jān-o-dil ko de chuke mauhūm umiid par
ab ho so ho Dubo de ye kashtī sharāb meñ

biphartī maujoñ ko kashtī ne rauñd Daalā hai
ḳhushā vo azm ki tūfāñ kā zor toḌ ga.e

ek kashtī kī hai talab 'rāhī'
ishq dariyā ke paar hai mujh ko

jab kashtī sābit-o-sālim thī sāhil kī tamannā kis ko thī
ab aisī shikasta kashtī par sāhil kī tamannā kaun kare

koī kashtī meñ tanhā jā rahā hai
kisī ke saath dariyā jā rahā hai

kashtī ke musāfir pe yūñhī taarī nahīñ ḳhauf
Thahrā huā paanī kisī ḳhatre kā nishāñ hai