Collections

Lab Shayari

Motivational Ghazals

Best Khamoshi Shayari

More Collections

Tags-Kashti

jaanā agar hai paar to ho kar savār tum
kashtī ke saath saath samundar na dekhnā

karna hai kar-e-KHair to phir sar na dekhna

kashtī shikastgān-e-yam-e-iztirāb ko
terā hī ek naam hai sāhil kaheñ jise

wo dil kahan hai ahl-e-nazar dil kahen jise

hai kuchh to 'nushūr' ehsāñ is umr-e-ravāñ kā bhī
ik roz kināre par kashtī to lagā aa.ī

Thukrae hue dil ki yaad aai to kya aai

Dūbte vaqt māñjhī se dariyā ne bā-dīda-e-nam kahā
koī kashtī kināre lagī hai kabhī ek patvār se!

zindagi bach nikalti hai har jang mein waqt ke war se

hāroge jo himmat to Dubo degā samundar
sāhil tumheñ kashtī se utar kar na milegā

ab dhup muqaddar hui chhappar na milega

vo kashtī se dete the manzar kī daad
so ham ne bhī ghar kā safīna kiyā

ye ek aur humne qarina kiya

jazba-e-dil ko ba-andāz-e-digar maiñ ne 'hayāt'
kabhī kashtī kabhī tūfāñ kabhī sāhil bāñdhā

Khaal-e-ruKHsar ko dagh-e-mah-e-kaamil bandha

kyā mere kaam se hai ravā.ī ko dushmanī
kashtī mirī khulī thī ki dariyā Thahar gayā

kya mere kaam se hai rawai ko dushmani

vo tez lahar to hāthoñ se le ga.ī kashtī
phir us ke ba.ad samundar khañgālte guzrī

husul-e-rizq ke arman nikalte guzri

phir koī kam-baḳht kashtī nazr-e-tūfāñ ho ga.ī
varna sāhil par udāsī is qadar hotī nahīñ

ab ye aalam hai ki gham ki bhi KHabar hoti nahin

ek hī raftār se kashtī ko mat khenā yahāñ
vaqt kā dariyā kahīñ uthlā hai to gahrā kahīñ

justuju meri kahin thi aur main bhaTka kahin

kashtī ke bādbān meñ simTī rahī havā
lutf-e-safar ki maiñ thā akelā nahīñ rahā

jaisa hamein guman tha waisa nahin raha

kosoñ duur kinārā hogā
kashtī hogī dariyā hogā

koson dur kinara hoga

vādī-e-kun se ġham-e-marhala-paimā niklā
merī kashtī ko liye vaqt kā dariyā niklā

wadi-e-kun se gham-e-marhala-paima nikla

ye soch kar ki na duuñ nāḳhudā ko ye zahmat
utar ke kashtī se ḳhud hī bhañvar meñ aa gayā huuñ

kuchh is qadar main KHirad ke asar mein aa gaya hun

maujoñ meñ le jaa.eñ kashtī
aise bhī dīvāne dekhe

yaron ke yarane dekhe

jab talak the kashtī par ḳhud ko rok rakkhā thā
sāhiloñ pe aate hī ham utar ke ro.e the

did ki tamanna mein aankh bhar ke roe the

saath kashtī ke achānak bādbāñ bhī jal uThā
pāniyoñ meñ Dūbtā saaya makāñ bhī jal uThā

sath kashti ke achanak baadban bhi jal uTha

jab se sāzish meñ samundar kī havā shāmil huī
kashtī hai chup-chāp sī aur bādbāñ bechain hai

dekh kar wahshat nigahon ki zaban bechain hai

dam toḌtī maujeñ kyā sāhil kā pata deñgī
Thahrī huī kashtī hai ḳhāmosh hai tūfāñ bhī

go aaj andhera hai kal hoga charaghan bhi