Tags-Kashti

yaar nām-e-ḳhudā hai kashtī meñ
nāḳhudā aaj paar beḌā hai

mirī kashtī hai maiñ huuñ aur girdāb-e-mohabbat hai
jo tū ho nā-ḳhudā merā to beḌā paar ho jaa.e

jab kashtī Daalī thī kis ne sochā thā
dariyā meñ tuġhyānī bhī ho saktī hai

aatā hai jo tūfāñ aane de kashtī kā ḳhudā ḳhud hāfiz hai
mumkin hai ki uThtī lahroñ meñ bahtā huā sāhil aa jaa.e

chhā ga.ī tūfān ke hoñToñ pe shaitānī hañsī
dekh kar kashtī shikasta sī bhañvar ke aas paas

is baar jab ajal se mirā sāmnā huā
kashtī se ḳhvāb haath se patvār gir paḌe

chamak rahā hai ḳhema-e-raushan duur sitāre sā
dil kī kashtī tair rahī hai khule samundar meñ

ab naza.a kā aalam hai mujh par tum apnī mohabbat vāpas lo
jab kashtī Dūbne lagtī hai to bojh utārā karte haiñ

aaj dariyā meñ ajab shor ajab halchal hai
kis kī kashtī ne qadam āb-e-ravāñ par rakkhā

Dubo dī thī jahāñ tūfāñ ne kashtī
vahāñ sab the ḳhudā kyā nā-ḳhudā kyā

aayā huuñ tire ḳhvāb kināre pe lagā kar
tūfān se ta.abīr kī kashtī ko bachā kar

dariyā-e-sharāb us ne bahāyā hai hamesha
saaqī se jo kashtī ke talabgār hue haiñ

vaise to īmān hai merā un bāñhoñ kī gunjā.ish par
dekhnā ye hai us kashtī meñ kitnā dariyā aa jaatā hai

kajjug hai aur phir dukhḌoñ kī barsāt lagī hai
nuuh kī kashtī mere ghar ke saath lagī hai

khete kis vāste kashtī ko ho sāhil sāhil
na yahāñ ḳhatra-e-tūfāñ ho zarūrī to nahīñ

dariyā ke talātum meñ maujoñ kī ye ra.anā.ī
bīmār sī kashtī meñ māñjhī kī masīhā.ī

band paanī ke bhañvar meñ kho ga.ī kashtī mirī
aañkh jal-thal thī magar aañsū koī Tapkā na thā

chaltī jaa.e kashtī yūñhī bādbāñ khole hue
ye jazīre ye dhuāñ āb-o-havā yūñhī rahe

ik lipaT kushtī kī ham se bhī to kar dekho zarā
haañ bhalā ham bhī to jāneñ pahlvānī aap kī

a.amāl-e-'habīb'-e-jigar-afgār kī kashtī
sāhil pe pahuñch jā.egī ashkoñ kī tarī se