English
Favourite
Favourite
UrduShayarUrduShayar
Expand menu
Sign inAccount

Tags-Kashti

āñkhoñ kā ḳhudā hī hai ye aañsū kī hai gar mauj
kashtī bache kyūñkar jo rahe aaTh pahar mauj
Ghazal
 aankhon ka KHuda hi hai ye aansu ki hai gar mauj
āsāñ nahīñ dariyā-e-mohabbat se guzarnā
yaañ nuuh kī kashtī ko bhī tūfān kā Dar hai
Sher
 aasan nahin dariya-e-mohabbat se guzarna
ye havā.eñ to muāfiq thiiñ bahut
kyuuñ havāoñ ne Dubo dī kashtī
Qita
 ye hawaen to muafiq thin bahut
maiñ hī kashtī bhī huuñ mallāh bhī tūfān bhī huuñ
aur ab Duub rahā huuñ to pareshān bhī huuñ
Ghazal
 main hi kashti bhi hun mallah bhi tufan bhi hun
āñchal kisī kā tez havā ne uḌā diyā
kashtī se rābta na rahā bādbān kā
Ghazal
 jalta raha charagh yaqin-o-guman ka
fareb de ke tirā jism jiit luuñ lekin
maiñ peḌ kaaT ke kashtī nahīñ banā.ūñgā
Ghazal
 parai aag pe roTi nahin banaunga
ba-rañg-e-shīsha-e-mai ab kī fasl-e-bārish meñ
kareñge baiTh ke kashtī meñ sair-e-jū-e-sharāb
Ghazal
 jo zauq hai ki ho daryaft aabru-e-sharab
biich bhañvar surāḳhoñ vaalī ik kashtī
mujhe mirī pahchān karā.e ik manzar
Ghazal
 manzar ki diwar ke pichhe ek manzar
har roz koī taḳhta magar TuuT rahā hai
har-chand ki kashtī ko bhañvar meñ nahīñ rakkhā
Ghazal
 kya lutf hawaon ke safar mein nahin rakkha
guzar chuke had-e-tūfāñ se moḌ lo kashtī
yahāñ se hote haiñ sāhil ke kuchh nishāñ mālūm
Ghazal
 maal-e-soz-e-talab tha dil-e-tapan malum
'gulzār' hameñ dekho kashtī ko Dubo kar bhī
kis faḳhr se kahte haiñ patvār salāmat hai
Ghazal
 hum shad hon kya jab tak aazar salamat hai
dariyā ke talātum se to bach saktī hai kashtī
kashtī meñ talātum ho to sāhil na milegā
Sher
 dariya ke talatum se to bach sakti hai kashti
lage jab subah kī kashtī kināre shab
kiyā kartī hai jaane kyā ishāre shab
Ghazal
 lage jab subah ki kashti kinare shab
ham ko to nazr-e-sail hue umr ho ga.ī
kashtī meñ DhūñDhtā hai magar nāḳhudā hameñ
Ghazal
 is daur-e-afiyat mein ye kya ho gaya hamein
aa ga.ī kashtī bhaTak kar aab se sū-e-sarāb
bhar gayā reg-e-ravāñ se jaal māhī-gīr kā
Ghazal
 chal diya wo dekh kar pahlu meri taqsir ka
tujh meñ dariyā koī kis sahāre chale maiñ jo pachchhim to pūrab ko dhāre chale
merī kashtī kināre kināre chale terī maujoñ ko ye bhī gavārā na thā
Ghazal
 tu ne sine ko jab tak KHalish di na thi tu ne jazbon ko jab tak ubhaara na tha
vo kareñge nā-ḳhudā.ī to lagegī paar kashtī
hai 'nasīr' varna mushkil, tirā paar yuuñ utarnā
Ghazal
 kabhi un ka nam lena kabhi unki baat karna
tūfāñ se bach ke Duubī hai kashtī kahāñ na pūchh
sāhil bhī e'tibār ke qābil nahīñ rahā
Sher
 tufan se bach ke Dubi hai kashti kahan na puchh
aañkh us pur-jafā se laḌtī hai
jaan kushtī qazā se laḌtī hai
Ghazal
 aankh us pur-jafa se laDti hai
muqāble kī jo tāqat thī vo ubhar to sakī
ḳhudā kā shukr hai kashtī ko nāḳhudā na milā
Ghazal
 kahin jamal-e-azal hum ko runuma na mila
Top Urdushayar.com