Tags-Kashti

kashtī kī tarah umr ḳhizar-gīr hai 'āzar'
hastī ke haiñ maujūd-o-adam donoñ kināre

fann-e-kashtī meñ qayāmat hai vo but gāzir kā
dhuum detā hai machā aave hai jab dhobī paaT

chalā kar kāġhzī kashtī koī ma.asūm hañstā thā
bahut hī ḳhūb-sūrat thā kabhī tālāb kā manzar

ḳhush thī kashtī lagā kar gale se hameñ
ye hamārī ham us ke nigah-dār the

sambhal kar zarā ai mohabbat kī kashtī
maiñ tūfāñ hī tūfāñ huuñ sāhil nahīñ huuñ

jo apnī qaum kī kashtī ki ḳhud Dubo Daale
ham aise rāhbar-e-qaum ke baġhair bhale

dekhiye kis jagah Dubo degā
merī kashtī kā nāḳhudā hai ishq

kaash mil jaatā kahīñ sāhil koī
ham bhī kashtī se utar ke dekhte

ye zamīñ to hai kisī kāġhzī kashtī jaisī
baiTh jaatā huuñ agar baar na samjhā jaa.e

ek gumnām jazīre meñ utar jā.ūñgā
apnī kashtī kabhī lahroñ ke havāle kar ke

nahīñ mumkin magar yuuñ bhī huā dil ke samundar meñ
huī ġharqāb kashtī bādbāñ mahfūz rakkhā hai

laakh maujoñ kī balā-ḳhezī ne kī khilvāḌ bhī
us ne kashtī ko magar sāhil pe pahuñchāyā bhī hai

sāhil pe gavāra hameñ marnā bhī nahīñ hai
TuuTī huī kashtī se utarnā bhī nahīñ hai

vahī TuuTī huī kashtī vahī pāgal havā.eñ haiñ
hamāre saath duniyā meñ nayā kuchh bhī nahīñ hotā

mirī kashtī laakh bhañvar meñ hai na karūñgā maiñ tirī minnateñ
ye patā nahīñ tujhe nāḳhudā mire saath merā ḳhudā bhī hai

maiñ chal paḌā thā kahīñ ajnabī dishāoñ meñ
havā kā zor thā kashtī meñ bādbān na thā

bahr-e-ulfat meñ nahīñ kashtī kā kaam
nuuh se kah do ye tūfāñ aur hai

mallāhoñ ko ilzām na do tum sāhil vaale kyā jaano
ye tūfāñ kaun uThātā hai ye kashtī kaun Dubotā hai

vo log kashtī o sāhil kī fikr kyā karte
jinheñ hai hausla dariyā meñ ghar banāne kā

lahroñ se abhī tak hai vahī rabt hamārā
kashtī meñ hamārī koī patvār nahīñ hai