Tags-Kashti

apnī kashtī kā hai ḳhudā hāfiz
pīchhe tūfāñ hai sāmne girdāb

ḳhudā-na-ḳhvāsta kashtī jo Dūbne lagtī
sivā ḳhudā ke bhalā kyā ye nāḳhudā karte

in sar-phirī havāoñ se kuchh āshnā to huuñ
gahre samundaroñ meñ na kashtī ko Dāliye

jinheñ vasā.el pe hai bharosā ye baat un ko batā de koī
bachā le kashtī ko jo bhañvar se ḳhudā hai vo nāḳhudā kahāñ hai

kyā dardnāk manzar-e-kashtī thā ruud meñ
maiñ nā-ḳhudā ko dekh rahā thā ḳhudā mujhe

chale mallāh kashtī giit ummīdeñ
ki jaise sab ko sāhil ne bulāyā thā

Dūbne hī nahīñ detā kabhī kashtī merī
ab bhī vo sāmne rahtā hai kināroñ kī tarah

maiñ to huuñ parda-e-āġhosh-e-tūfān-e-fanā
ḳhud Dubo detā huuñ kashtī qurb sāhil dekh kar

na jaane kaun sā aalam hai ye azīz-'nabīl'
maiñ regzār meñ kashtī banā.e baiThā huuñ

'naqsh' kashtī ke nāḳhudā vo haiñ
lutf hai aaj Duub jaane kā

bahāne hī bahāne haiñ
baḌhā kar rakh diyā lahroñ pe maiñ ne haath mirā haath ik kashtī kī mānind ek mauj-e-tund

nāḳhudā ai mirī kashtī ke chalāne vaale
lutf to jab hai ki har mauj hī sāhil ho jaa.e

pal bhar kashtī Thahrī thī
barsoñ sāhil duur huā

jaise kashtī aur us par bādbāñ phaile hue
mere sar par is tarah haiñ āsmāñ phaile hue

lahū ko bhī tanaffus hī ravāñ rakhtā hai ḳhaliyoñ meñ
bahe sahrā meñ bhī kashtī agar zor-e-duḳhānī ho

kashtī kā ye hachkolā ye mallāh kā chakkar
kashtī ko nahīñ mujh ko Dubone ke liye hai

tum ne ek samundar haath meñ le kar mujh par Dhiil diyā
maiñ ne nuuh kī kashtī ke upar rakh dī

khā ke kashtī kī lakḌī mirī
bhuuk tūfāñ miTātā rahā

māmūl pe sāhil rahtā hai fitrat pe samundar hotā hai
tūfāñ jo Dubo de kashtī ko kashtī hī ke andar hotā hai