Tags-Khafa

hañs dūñgā dam meñ misl-e-gul aap
ġhunche kī tarah se go ḳhafā huuñ

kabhī na hadd-e-adab se baḌhe the diida o dil
vo mujh se kis liye kisī baat par ḳhafā hogā

tere huzūr tujh se ḳhafā ho ke jaa.e kaun
zaḳhm-e-dil-e-tabāh pe nashtar lagā.e kaun

ba-rañg-e-sāġhar milā diyā muñh jo muñh se tere ḳhafā na honā
kiyā hai behosh tū ne saaqī sharāb mujh ko pilā pilā kar

aao baiTho hañso mazā ho
kuchh to farmāo kyuuñ ḳhafā ho

ḳhafā rahne se is darja nikhār aayā hai ġhazloñ meñ
ki ab to chāhtā huuñ umr bhar ḳhud ko ḳhafā rakhnā

ġhairat ye thī ki aayā us se jo maiñ ḳhafā ho
marte muā pe hargiz ūdhar phirā na jā kar

zindagī ham tire kūche meñ chale aa.e to haiñ
tere kūche kī havā ham se ḳhafā lagtī hai

tū ki har vaqt rahā ham se ḳhafā phir bhī 'ḳhalīl'
dil pe likkhā hai tirā naam dikhā duuñ tujh ko

dil jalāo bhī ki 'jāved' añdherā hai bahut
raushnī rāh-guzāroñ se ḳhafā ho jaise

kyā kahūñ kyā hai mere dil kī ḳhushī
tum chale jāoge ḳhafā ho kar

log kahte haiñ ki tū ab bhī ḳhafā hai mujh se
terī āñkhoñ ne to kuchh aur kahā hai mujh se

vo ḳhafā hoñ to maiñ ḳhatā kar luuñ
chheḌ hujjat ko kyā kare koī

yahī hālāt ibtidā se rahe
log ham se ḳhafā ḳhafā se rahe

apne bahke hue dāman kī ḳhabar lī na ga.ī
jis ko dekho charāġhoñ se ḳhafā lagtā hai

ai nasīm-e-saharī ham to havā hote haiñ
dam jo ghuTtā hai mohabbat meñ ḳhafā hote haiñ

rahe kyuuñ na siine meñ dam ḳhafā ye nayā sitam hai na.ī jafā
kahūñ kyā safī' koī bevafā mire dil ko le kar mukar gayā

ḳhafā ho ke jab be-bulā.e gayā
mujhe dekh kar muskurāne lage

dasht kī samt nikal aayā hai merā dariyā
bas isī par haiñ ḳhafā saare samundar mujh se

na jaane kaisī haqīqat kā aa.ina huuñ maiñ
nazar nazar mire nazdīk se ḳhafā guzrī