Tags-Khafa

sab kī arzī se ḳhush ho tum lekin
ho ḳhafā iltimās se mere

jabr āġhāz jabr hī anjām
tujh se ḳhāliq mire ḳhafā huuñ maiñ

us ke dil meñ bhī koī ranjish thī
kuchh ḳhafā us se ho ga.ī maiñ bhī

kuchh to maujeñ uThī samundar se
be-sabab hī sahī ḳhafā to hue

ḳhafā na ho ki tirā husn hī kuchh aisā thā
maiñ tujh se pyaar na kartā to aur kyā kartā

vo mujh se aur maiñ un se ḳhafā huuñ
nadīmo aa ke donoñ ko manāo

vo sīm-badan magar ḳhafā hai
sonā jo harām ho gayā hai

tum ta.alluq kā paas to rakhte
ḳhush na karte hameñ ḳhafā karte

raushnī kyuuñ syāhī meñ Dhalne lagī
tujh se 'ārif' huī kyā ḳhafā zindagī

nibhegī kis tarah dil sochtā hai
ajab laḌkī hai jab dekho ḳhafā hai

vo māh-pāra milan se pahle bahut ḳhafā thī
ab us ke bose chhuTā rahā huuñ maiñ is badan se

maiñ apne-āp se barham thā vo ḳhafā mujh se
sukūñ se kaise guzartā ye rāsta mujh se

aziiz mujh ko haiñ tūfān sāhiloñ se sivā
isī liye hai ḳhafā merā nāḳhudā mujh se

na gul kī koī ḳhabar hai na baat gulshan kī
ḳhafā sī lagtī hai kuchh roz se sabā mujh se

ḳhafā mat ho mujh ko Thikāne bahut haiñ
mirā sar rahe āstāne bahut haiñ

āh-o-nāla se vo ḳhafā hai abas
kāñTe ham apne haq meñ buute haiñ

ik terī be-ruḳhī se zamāna ḳhafā huā
ai sañg-dil tujhe bhī ḳhabar hai ki kyā huā

hijāb un se vo merā pūchhnā sar rakh ke qadmoñ par
sabab kyā hai jo yuuñ mujh se ḳhafā sarkār baiThe haiñ

bajā hai zindagī se ham bahut rahe nārāz
magar batāo ḳhafā tum se bhī kabhū hue haiñ

is meñ bhalā kyā hāsil hogā soch to dekho miyāñ 'nazīr'
vo to ḳhafā ho pheñk de ḳhat aur log tumheñ bad-nām kareñ