Collections

Lab Shayari

Motivational Ghazals

Best Khamoshi Shayari

More Collections

Tags-Khafa

maiñ apne-āp se har dam ḳhafā rahtā huuñ yuuñ 'āzar'
purānī dushmanī ho jis tarah do ḳhāndānoñ meñ

main apne-ap se har dam KHafa rahta hun yun aazar

vo yuuñ milā ki ba-zāhir ḳhafā ḳhafā sā lagā
na jaane kyuuñ vo mujhe phir bhī bā-vafā sā lagā

wo yun mila ki ba-zahir KHafa KHafa sa laga

kaam aatī nahīñ ab koī tadbīr hamārī
ham se hai ḳhafā sāhibo taqdīr hamārī

kaam aati nahin ab koi tadbir hamari

kyuuñ ḳhafā ho kyuuñ idhar aate nahīñ
dekhtā huuñ tum nazar aate nahīñ

kyun KHafa ho kyun idhar aate nahin

tumhārī sañg-dilī se ḳhafā nahīñ hote
ki ham se apne hī va.ade vafā nahīñ hote

fasad-e-zat

vasl kī shab bhī ḳhafā vo but-e-maġhrūr rahā
hausla dil kā jo thā dil meñ ba-dastūr rahā

wasl ki shab bhi KHafa wo but-e-maghrur raha

ḳhudā jaane duniyā meñ kis ko thī rāhat
'havas' ham to jiine se apne ḳhafā the

hue aaj buDhe jawani mein kya the

ayyārī dekhnā jo gale milne ko kaho
kahtā hai maiñ to tum se huā kuchh ḳhafā nahīñ

be-mehr kahte ho use jo bewafa nahin

hai chehra jo daaġh daaġh apnā
har aa.ine se ḳhafā ḳhafā huuñ

har shaKHs ko aise dekhta hun

jis ke sabab har ek suḳhan-fahm hai ḳhafā
muddat huī hai aap se vo guftugū hue

kab dil ke zaKHm chaaragaron se rafu hue

ye alag baat ki vo mujh se ḳhafā rahtā hai
maiñ ik insān huuñ aur mujh meñ ḳhudā rahtā hai

ye alag baat ki wo mujhse KHafa rahta hai

phir ik sajda-e-tauba kī aarzū hai
tujhe aap se phir ḳhafā chāhtā huuñ

zaban muddaa-ashna chahta hun

zabāñ mudda.ā-āshnā chāhtā huuñ
dil ab zindagī se ḳhafā chāhtā huuñ

zaban muddaa-ashna chahta hun

agar tū ḳhafā ho to parvā nahīñ
tirā ġham ḳhafā ho to mar jā.ūñ maiñ

tere dar se uTh kar jidhar jaun main

ḳhafā hai mujh se to us ko ḳhafā hī rahne do
milūñgā us se to ġhussa zarūr utregā

kisi suragh se kamre mein nur utrega

koī pūchho to mudda.ā kyā hai
maiñ jo sab se ḳhafā sā rahtā huuñ

ek bhaTki sada sa rahta hun

un se nā-karda jafāoñ kā kiyā thā isrār
utnī hī baat pe vo ham se ḳhafā haiñ kitne

dam phailae hue hirs-o-hawa hain kitne

log kahte haiñ ki tū ab bhī ḳhafā hai mujh se
terī āñkhoñ ne to kuchh aur kahā hai mujh se

log kahte hain ki tu ab bhi KHafa hai mujhse

ḳhafā ho mujh se to apne andar
vo bārishoñ ko utārtī hai

KHafa ho mujhse to apne andar

ai 'zafar' na chhoḌegā vo mujhe duā denā
yuuñ to hai vo barham sā yuuñ to vo ḳhafā sā hai

ye jo teri aankhon mein mani-e-wafa sa hai