Tags-Khafa

maiñ purza purza paḌā huuñ jahāñ-tahāñ har samt
ḳhafā sabhī haiñ mire jā-ba-jā ke hone se

tirā ḳhafā ho ke ruuTh jaanā vo minnatoñ se mirā manānā
vo apnī apnī sī kuchh sunānā vo bāteñ bhī aap dil-sitāñ se

kabhī ḳhafā ho ke baat karnā kabhī vo kah kah ke phir mukarnā
phir ulTā bohtān mujh pe dharnā ye tarz tum ne liyā kahāñ se

tum ḳhafā kyā hue hayāt ga.ī
jaan taskīn-e-kā.enāt ga.ī

use ye rishta-e-āb-o-sarāb lā-yānī
ki vo zuhūr o ḳhifā kī zabāñ samajhtā hai

maiñ tirī jafā se ḳhafā nahīñ mujhe tujh se koī gila nahīñ
mujhe fikr kyā hai ma.aal kī tujhe kyā milā hai vabāl meñ

jo dekhiye to karam ishq par zarā bhī nahīñ
jo sochiye ki ḳhafā haiñ to vo ḳhafā bhī nahīñ

vo dil na rahā jā naaz uThā.ūñ
maiñ bhī huuñ ḳhafā jo vo ḳhafā hai

sayyād ḳhafā hai bulbul-o-kabak
ḳhāmosh raho na bolo-chālo

tunak-mizājī-e-ḳhūbāñ kā gar patā hotā
manāte phir unheñ pahle to ham ḳhafā karte

laa.ī hai kahāñ mujh ko tabī.at kī do-rañgī
duniyā kā talabgār bhī duniyā se ḳhafā bhī

jin ke gunāh merī nazar se nihāñ nahīñ
rahte haiñ mujh se dil meñ ḳhafā kis qadar vo log

ḳhafā ho mujh se to apne andar
vo bārishoñ ko utārtī hai

'navāz' is liye rahtā hai vo ḳhafā mujh se
ke us kī baat pe haamī nahīñ bharī maiñ ne

aah ke tiiñ dil hairān-o-ḳhafā ko sauñpā
maiñ ne ye ġhuncha-e-tasvīr sabā ko sauñpā

kyā jaane kis jahāñ meñ milegā hameñ sukūn
nārāz haiñ zamīñ se ḳhafā āsmāñ se ham

vo kyā badan bhar ḳhafā thā mujh se
ki aañkh bhī chup gumān bhar thī

kyā jaane kis jahāñ meñ milegā hameñ sukūn
nārāz haiñ zamīñ se ḳhafā āsmāñ se ham

ham hijr meñ ye kahte rahe dil se baar baar
vo hai faqat zarā sā ḳhafā mutma.in raho

baat matlab kī kahūñ us se magar pahle zarā
ye to ma.alūm ho vo ḳhush hai ḳhafā hai kyā hai