Tags-Khat

paḌā hī marnā bas ab to ham ko jo us ne ḳhat paḌh ke nāma-bar se
kahā ki gar sach ye haal hotā to daftar itnā raqam na hotā

koī purānā ḳhat kuchh bhūlī-bisrī yaad
zaḳhmoñ par vo lamhe marham hote haiñ

ḳhat-e-nau-ḳhez meñ aariz jo tere chhupte jaate haiñ
parī ban jā.eñge is sabz shīshe meñ nihāñ ho kar

izār-e-ātishīñ ḳhatt-e-siyah ik din nikālegā
rulā.egā ye sho.ala merī āñkhoñ kā dhuāñ ho kar

ḳhat-e-qismat miTāte ho magar itnā samajh lenā
ye harf-e-ārzū hāthoñ kī rañgat le ke uTTheñge

musallas kā ḳhat-e-sālis mujhe mil kar nahīñ detā
kabhī qismat se vo ruk jaa.e to bārish nahīñ rahtī

baḌhtā jaatā hai zindagī kā ḳhat
ek ghaTtī huī lakīr huuñ maiñ

sarāboñ ke safar se tū nahīñ lauTā 'fazā' ab tak
jo ḳhat likhnā to itnī baat us ke ghar pe likh denā

kyuuñ kabūtar ke evaz hudhud na laayā ḳhatt-e-shauq
is ḳhatā par mujh se vo bilqīs-e-sānī phir gayā

sajda kā hukm mujh ko tū ne to ab diyā hai
pahle hī likh chukā huuñ maiñ ḳhatt-e-bandgī meñ

rāz-o-niyāz meñ bhī akaḌ-fūñ nahīñ ga.ī
vo ḳhat bhī likh rahā hai to chālān kī tarah

bait-e-abrū hai maḳhzan-e-asrār
ḳhat hai chehre kā sharh-e-gulshan-e-rāz

hamīñ tak rah gayā qissa hamārā
kisī ne ḳhat nahīñ kholā hamārā

aap ke ḳhat ko maiñ kis baat kā ġhammāz kahūñ
is meñ sab kuchh hai bas ik harf-e-mohabbat ke sivā

jurm ulfat kī mujhe ḳhuub sazā detā hai
ḳhat ko paḌhtā bhī nahīñ aur jalā detā hai

ḳhat ke javāb meñ na lagā itnī der tū
merā agar nahīñ hai to apnā ḳhayāl kar

ye kyā jazb-e-dil khīñch laayā unheñ
mire ḳhat mujhe phir ke aane lage

hai tasavvur bas-ki āñkhoñ meñ ḳhat-e-ruḳhsār kā
aa.ine kī tarah jauhar-dār āñkheñ ho ga.iiñ

uf ye itaab pahle hī ḳhat ke javāb meñ
dhokā mujhe zarūr huā intiḳhāb meñ