Tags-Khat

tumhāre ḳhat jalā kar ke tumheñ yaksar bhulā dūñgī
tumhāre jurm kī tum ko maiñ is darja sazā dūñgī

bas-ki haiñ bad-mast-e-ba-shikan ba-shikan-e-mai-ḳhāna ham
mū-e-shīsha ko samajhte haiñ ḳhat-e-paimāna ham

ek ḳhat jo sambhālnā thā mujhe
jaane maiñ ne kahāñ sambhāl diyā

aaj ik ḳhat ko jo kholā 'qaisar'
us meñ sūraj kā sarāpā niklā

udū likkhe mujhe naama tumhārī mohr us kā ḳhat
jafā yuuñ bhī hai aur yuuñ bhī sitam yuuñ bhī hai aur yuuñ bhī

ab lāl-e-nau-ḳhat us ke kam baḳhshte haiñ farhat
quvvat kahāñ rahe hai yāqūti-e-kuhan meñ

log kahne lage kundan pe chaḌhā.e miinā
sabza-e-ḳhat se vo ḳhush-rañg tirā gaal huā

phir phir ke nazar huī hai sadqe
jam kar ḳhat-e-jām ho ga.ī hai

gilā yahī hameñ qāsid se hai ki us gul ko
na ḳhat diyā na zabānī kahā hamārā haal

kyā kyā fareb dil ko diye iztirāb meñ
un kī taraf se aap likhe ḳhat javāb meñ

ḳhat kī syāhī ne aa gherī sabāhat-e-husn
is rome se hai mushkil ye fauj-e-zañg haTnī

aadmī pahchānā jaatā hai qayāfa dekh kar
ḳhat kā mazmūñ bhāñp lete haiñ lifāfa dekh kar

ḳhat likh ke jo hai talāsh-e-qāsid
mānind qalam maiñ phir rahā huuñ

yaad hai ab tak mujhe vo bad-havāsī kā samāñ
tere pahle ḳhat ko ghanToñ chūmtā rahtā thā maiñ

vo ā.eñge nahīñ aa.e ḳhat aa.egā nahīñ aayā
ġhalat niklī mirī tābīr-e-ḳhvāb avval se āḳhir tak

kāñTe bhare haiñ ḳhat meñ jo chhūte nahīñ ise
itnā na haath khīñchiye merī ḳhabar se aap

ḳhat likhte likhte 'mīr' ne daftar kiye ravāñ
ifrāt-e-ishtiyāq ne āḳhir baḌhā.ī baat

maiñ sholagi-e-vajūd ke biich
ik ḳhatt-e-siyāh chāhtā huuñ

rakho aarzū mai-e-ḳhām kī karo guftugū ḳhat-e-jām kī
ki siyāh caroñ se hashr meñ na hisāb hai na kitāb hai

jo vo likhtā kuchh bhī to nāma-bar koī rahtī muñh meñ tire nihāñ
tirī ḳhāmushī se ye nikle hai ki javāb ḳhat kā javāb hai