Tags-Khoon

teġh-e-qātil kī zabāñ chāñTe hai saan aaj talak
na maza dil se mire ḳhūn-e-jigar kā niklā

na kamī koī tire naaz meñ na kamī hai zauq-e-niyāz meñ
to vafā.eñ merī hī pesh kar mire ḳhūn-e-dil ke javāz meñ

ḳhuun har yak raqam shauq se Tapke thā vale
vo na samjhā ki mire naame kā kyā mazmūñ hai

chuTkī meñ masalte haiñ tinke bhī pahāḌoñ ko
jab ḳhuun simaTtā hai mazlūm ke āñchal meñ

ham ne hī apne ḳhuun kā ġhāza diyā tujhe
ham ne hī tujh ko sinf-e-ġhazal mo'atabar kiyā

dard ke itaab le dost use shumār kar
ḳhuun kā hisāb de zaḳhm iḳhtiyār kar

hameñ bhī kyuuñ na ho da.avā ki ham bhī yaktā haiñ
hamāre ḳhuun ke pyāse jab ahl-e-duniyā haiñ

aayā thā kaale ḳhuun kā sailāb pichhlī raat
barsoñ purānī jism kī dīvār Dhā gayā

ye to hai ḳhūn-e-jigar chāhiye lekin ai dil
sher kahne kī ri.āyat bhī chalī jaa.e agar

chaman ke phūloñ meñ ḳhuun dene kī ek tahrīk chal rahī hai
aur is lahū se ḳhizāñ kī ḳhātir ḳhizāb tayyār ho rahā hai

ḳhuun ragoñ meñ ruk jā.egā lekin saañs na ukhḌegī
kis ko bhuul ke ḳhush baiThā huuñ jab aa.egā dhyān mujhe

kyūñki farba na nazar aave tirī zulf kī laT
joñk sī ye to mirā ḳhuun hī pī jaatī hai

ḳhuun ro uThtī haiñ sab āñkheñ nigār-e-sub.h kī
bāñTtī hai shab kabhī jo ā.īna-ḳhāne kā dukh

ham ne pilāyā ḳhuun har ik inqalāb ko
ham ko hī inqalāb kā dushman kahā gayā

na chhoḌī ġham ne mire ik jigar meñ ḳhuun kī buuñd
kahāñ se ashk kā ho kahiye chashm-e-tar meñ asar

ye socho ḳhuun ke saudāgaro zarā socho
lahū kī nadiyāñ baheñgī agar zamīnoñ par

ye jī meñ aatī hai taḳhlīq-e-fan ke lamhoñ meñ
ki ḳhuun ban ke rag-e-sañg meñ utar jā.ūñ

ham ne bhī ḳhūn-e-jigar de ke sañvārā hai ise
sāhibo ġhāza-e-ruḳhsār-e-ġhazal ham bhī haiñ

sahar pashemān-e-ārzū haiñ charāġh-e-shab the so jal bujhe ham
ḳhirāj ashkoñ kā ḳhūn-e-dil se jo ham ko lenā thā le chuke ham

shikva kyā un se ḳhūn-e-nāhaq kā
zindagī thī huī basar na huī