Tags-Khoon

kāñToñ kī zabāñ suukh ga.ī pyaas se yā rab
ik ābla-pā vādi-e-pur-ḳhār meñ aave

'fazā'! zarūr koī taaza gul khilā.egā
qalam ne ḳhuun mirā pī liyā hai jī bhar ke

ḳhuun meñ shāmil achhūtī ḳhushbuoñ ke saath saath
kyuuñ kahūñ mujh meñ jo bahtā hai vo dariyā jhuuT hai

yaaro apne hī ḳhuun se dekho
is nagar ko sajā diyā maiñ ne

is ke ādāb to pahle sīkho
ḳhaak meñ ḳhūn-e-rag-e-jāñ to

ham rivāyāt ke munkir nahīñ lekin 'majrūh'
zamzama-sanj mirā ḳhūn-e-jigar hai ki nahīñ

muflisī ne kar diyā hai us kī ḳhuddārī kā ḳhuun
vo pahantā hai kisī kī mehrbānī kā libās

bujhne lagī hai shaam ke āñgan meñ raushnī
ab mauj-e-ḳhūn-e-dil hī koī mo.ajiza kare

rañgīñ haiñ ḳhūn-e-sar se vo haath āj-kal rahe
jis haath meñ vo dast-e-hinā.ī tamām shab

tire shahr kī sard galiyoñ kī aahaT
mire ḳhuun meñ sarsarā.ī

hai to vo dushman pe mahzar dekh kar ḳhuun kā mire
sochtā hai is pe meñ apnī gavāhī kyā karūñ

andar kā hī na ho zarā bāhar bhī dekh le
dil ḳhuun hai to aañkh pe ḳhūnīñ samāñ na khol

ujāḌte hue vo kāñptā to hogā 'zubair'
vo ḳhvāb haath nahīñ ḳhuun se tarāshā hai

juz ḳhūn-e-kohkan na uge vaañ se koī gul
shīrīñ kī rāh-e-ishq kī patthar zamīn hai

ġhazal meñ bandish-e-alfāz hī nahīñ sab kuchh
jigar kā ḳhuun bhī kuchh chāhiye asar ke liye

gulsitāñ meñ paḌ ga.ī hai rasm-e-tajsīm-e-bahār
apne chehre par har ik gul ḳhūn-e-dil malne ko hai

vo chāhateñ haiñ jo ḳhuun ban kar ragoñ meñ daurān kar rahī haiñ
mohabbatoñ se bharā ho dāman to nafrateñ kyā shumār karnā

jab ye khātā hai mirā ḳhūn-e-jigar khātā hai
dil-e-bīmār ko kis chiiz pe raġhbat aa.ī

gir paḌī ret kī dīvār to māyūsī meñ
gard-e-vahshat na uḌā ḳhuun kī bauchhār chalā

raushnī apne gharoñdoñ meñ chhupī thī varna
shahr ke shahr pe shab-ḳhūn na maarā jaatā