Tags-Khoon

alfāzoñ ne ma.anī badle tahrīroñ ne ruḳh badlā
mere qalam kī nok se jis dam ḳhuun kā chashma phūTā to

rone vaalo ye bhī to ho saktā hai
ḳhuun kā chhīñTā qātil ko rusvā kar de

mausam-e-dil jo kabhī zard sā hone lag jaa.e
apnā dil ḳhuun karo phuul ugāne lag jaao

rukī rukī sī hai raftār-e-zindagī jaise
hazār ḳhuun ragoñ meñ hai jaan hai tan meñ

zindagī bhar aarzū kā ḳhuun hī hotā rahā
lab pe lekin ek din bhī aah tak aa.ī na thī

dīvār-o-dar pe ḳhuun ke chhīñTe haiñ jā-ba-jā
bikhrā huā hai rañg-e-hinā tere shahar meñ

raat bhar ḳhuun ke dariyā meñ nahāyā ḳhurshīd
dāman-e-sub.h pe dhabbā bhī dikhā.ī na diyā

sāl-hā-sāl bayābān-e-gumāñ ko sīñchā
ḳhūn-e-idrāk se āb-e-jāñ se

chāroñ taraf hai ḳhuun kā dariyā chaḌhā huā
kashmīr sar-zamīn-e-muqaddas rodesia

sab sāmān baham haiñ 'sājid' likhne likhāne ke
ḳhūn-e-jigar aur aañsū dil kī davāt akelā kamra

maiñ apne ḳhuun kā beḌā uThā.ūñ ḳhud kyūñkar
vo paan dete haiñ shoḳhī se muskurā ke mujhe

ḳhuun ho kar bhī terī tarf bahe
tujh se rakkhe the dil jigar iḳhlās

sīñchte rahiye use ḳhūn-e-jigar se aksar
be-samar varna tamannā kā shajar rahtā hai

kalī na dāman kī muskurā.e na āstīñ terī gul khilā.e
maiñ sadqe qātil na rañg laa.e ye ḳhuun dāman kā āstīñ kā

jo chhīñTeñ uḌ kar paḌīñ ḳhudāyā vo aur mahshar kareñgī barpā
hai merī gardan par aur ulTā ye ḳhuun qātil kī āstīñ kā

'gulzār' sab ne peḌ ko sīñchā hai ḳhuun se
taqsīm har kisī pe samar ho nahīñ rahā

ḳhuun meñ Duubī ridā.eñ nahīñ dekhī jātīñ
bain kartī huī maa.eñ nahīñ dekhī jātīñ

'shāhid' likhā gayā thā hamāre hī ḳhuun se
tasnīf jab vafā kā sahīfa kiyā gayā

vādī-e-majnūñ meñ
ābrū-e-ḳhūn meñ

shor-sharāba ḳhūn-ḳharāba jo bhī ho kuchh kam bhī nahīñ
shahr-panāh ke āhanī bojhal sab darvāze TuuT ga.e