Tags-Khoon

shikan-ālūd bistar har shikan par ḳhuun ke dhabbe
ye hāl-e-shām-e-ġham likkhā hai ham ne tā-sahar apnā

mere jigar meñ ḳhuun ke qatre nahīñ rahe
un kī nazar meñ barash-e-pinhāñ nahīñ rahī

mirī chashm-e-shauq meñ kaif-e-dil jo bharā thā ḳhuun ke naam se
vahī sho.ala ban ke bhaḌak uThā vahī phuuT niklā hai jaam se

masraf hai sab ye bālish-e-sayyād kā tire
bismil na bhariyo ḳhuun se tū bāl-o-par kahīñ

aa.e haiñ ġham-e-ishq meñ aise bhī maqāmāt
dil ḳhuun huā aañkh se aañsū bhī na Dhalke

ḳhūn-e-ushshāq kā da.avā mire qātil tujh par
hote isbāt na dekhā ba-gavāhe gaahe

ashk se chashm ke ham zaḳhm-e-jigar dhote haiñ
ḳhūn-e-dil bāda-e-a.agūr huā ḳhuub huā

ik taraf ḳhāk-o-ḳhūn kā aalam
ik taraf aish meñ hai dārā.ī

ik martaba dil pe iztirābī aa.ī
ya.anī ki ajal merī shitābī aa.ī

tum kahte ho kavitā likh do
mujhe ḳhuun bahāna paḌtā hai

kis ko ḳhūn-e-jigar pilā.egā
sāġhar-e-mai ko kyuuñ lagāyā muñh

kisht-e-falak meñ Daal ke ḳhūn-e-shafaq kī khaad
tāroñ kī ek fasl ugātī rahegī shaam

ab ḳhuun ke ashkoñ se chaman sīñchnā hogā
bhīge hue mausam ne ye paiġhām diyā hai

har taraf ḳhūn-ḳharāba kiyā logoñ ne bapā
sher taḳhlīq kiye maiñ ne ġhazal jaarī kī

bahut se ḳhūn-ḳharābe macheñge ḳhāna-ḳharāb
yahī hai rañg agar tere paan khāne kā

gul ke dāman pe kahīñ ḳhuun kā dhabba na lage
tarz-e-fariyād ye ai bulbul-e-shaidā kyā hai

ye bujhī sī shaam ye sahmī huī parchhā.iyāñ
ḳhūn-e-dil bhī is fazā meñ rañg bhar saktā nahīñ

bas ab ye ḳhūn-e-tamannā ho nazr-e-vīrāna
talāsh thī hameñ jis kī vo baaġh hī na milā

ab to ḳhud apne ḳhuun ne bhī saaf kah diyā
maiñ aap kā rahūñgā magar umr bhar nahīñ

hai ḳhuun ek hī jaisā ragoñ meñ jab 'sāhil'
to phir ye soch sabhī kī judā judā kyuuñ hai