Tags-Khoon

iraq ḳhūn-e-shahīdāñ se surḳh-rū hogā
bamoñ ke Dher haiñ launcher haiñ tesha-e-farhād

hamesha ḳhūn-e-shahīdāñ ke rañg se ābād
ye karbalā-e-muallā ye basra o baġhdād

vo bhī kiyā ḳhuun ki ho jabr kī buniyād meñ jazb
jo yūñhī muft meñ bah jaa.e vo ḳhuuñ achchhā hai

maz.habī āshram kaif kī kapkapāhaT se uryāñ hoī 300 hertz kī chīḳh biphrī kisī samt se
jins-e-ādam ke kānoñ se bahne lagā ḳhuun phaTne lage phephḌe

mujh ko un sachchī bātoñ se apne jhuuT bahut pyāre haiñ
jin sachchī bātoñ se aksar insānoñ kā ḳhuun bahā hai

yahī aish ek din ahl-e-havas kā ḳhuun chāTegā
abhī kuchh din lagā rakkheñ vo is kutte ko roTī par

bahār-e-rañg-e-ḳhūn-e-gul hai sāmāñ ashk-bārī kā
junūn-e-barq nashtar hai rag-e-abr-e-bahārī kā

hashr ke roz bhī kyā ḳhūn-e-tamannā hogā
sāmne ā.eñge yā aaj bhī pardā hogā

mat shafaq kah ye tirā ḳhuun falak par hai 'nazīr'
dekh Tapkā thā kahāñ aur kahāñ jā niklā

vo ḳhūn-e-hasrat-e-dil se navāz kar aañsū
lahū kā rañg bhī shāmil talāsh kartā hai

sābit huā hai gardan-e-mīnā pe ḳhūn-e-ḳhalq
larze hai mauj-e-mai tirī raftār dekh kar

pal pal ḳhuun bahātā huuñ in āñkhoñ se
maiñ ne ḳhud ko manda mar ke rakkhā hai

merī jaañ terī surḳhī-e-lab meñ
ḳhuun dil kī mire kamī sī hai

zulm agar jaarī rahā to dekhnā phir ek din
ḳhuun uglegī zamīñ ye marhala bhī aa.egā

chashm-e-nam kuchh bhī nahīñ aur sher-e-tar kuchh bhī nahīñ
ab yahāñ ḳhūn-e-jigar naqsh-e-hunar kuchh bhī nahīñ

miTTī kī ye dīvār kahīñ TuuT na jaa.e
roko ki mire ḳhuun kī raftār bahut hai

vo laḌakpan se nikal kar teġh chamkāne lagā
ḳhuun karne kā ḳhayāl ab kuchh use aane lagā

ḳhuun kī chādar mubārak bā-hayā talvār ko
myaan se bāhar nikal kar bhī na uryānī huī

sab surḳhiyāñ haiñ ḳhūn-e-vafā sī likhī huī
qissa hai dil-gudāz shahīd-e-niyāz kā

german gass-kadoñ se ab tak ḳhuun kī badbū aatī hai
andhī vatan-parastī ham ko us raste le jā.egī