Tags-Khoon

ham ishq tere haath se kyā kyā na dekhīñ hālateñ
dekh ab ye diida ḳhuuñ na ho ḳhūn-e-jigar paanī na kar

rañg-o-bū hī nahīñ faqat ābād
ḳhuun apnā bhī hai chaman meñ bahut

kisī ne ḳhuun meñ tar chūḌiyāñ jo bhejī haiñ
likhī hai ḳhūn-e-jigar se kitāb maiñ ne bhī

ye aur baat zer-e-zamīñ dafn ho ga.iiñ
varna jaḌoñ kā ḳhuun hai phal kī miThās meñ

mirā ḳhūn-e-tamannā hai hinā-band-e-kaf-e-qātil
junūn-e-shauq kaam aayā farāz-e-dār kā halqa

jigar ke ḳhuun se tar ho na jis kā sher koī
phir us ġhazal meñ bhalā ḳhaak dilkashī hogī

ye qatra ḳhuun kā dariyā banegā
abhī insān zer-e-tarbiyat hai

har-chand be-dareġh bahā ḳhūn-e-ārzū
lekin huā hai dāman-e-dil lāla-zār bhī

tārīḳh-e-karbalā-e-suḳhan! dekhnā ki maiñ
ḳhūn-e-jigar se likh ke varaq chhoḌ jā.ūñgā

maujib-e-rañg-e-chaman ḳhūn-e-shahīdāñ niklā
maut kī jeb se bhī ziist kā sāmāñ niklā

harf-e-sarmad ḳhūn-e-dārā ke alāva shahr meñ
kaun hai jo sar uThā.e bādshāhat ke ḳhilāf

zab.h to karte ho kuchh dhyān bhī hai
ḳhuun meñ haath sane jaate haiñ

ḳhūn-e-sādāt ne miTTī ko fazīlat baḳhshī
ḳhaak meñ bhī mire maulā ne shifā rakkhī hai

tah-nashīñ maujoñ ke pahre saḳht kar detā hai qasr-e-āb par vo
ḳhuun paanī kar ke apnā pattharoñ kī oT se gauhar nikālo

ḳhūn-e-dil bāda-o-jigar hai kabāb
naġhma-e-bazm-e-vasl zaarī hai

ye bhī mumkin hai ki tahrīr badal dī jaa.e
dosto apnā bayāñ ḳhuun se puḳhta likhnā

ḳhuun hogā vo agar ġhair ke ghar jā.eñge
ham galā kāTeñge sar phoḌeñge mar jā.eñge

kitnoñ ko jigar kā zaḳhm siite dekhā
dekhā jise ḳhūn-e-dil hī piite dekhā

siine meñ kahīñ ruktā hai sailāb-e-junūñ-ḳhez
dil ḳhuun huā merā mohabbat ke asar se

mansūb haiñ tujh se jo mohabbat ke fasāne
vaqt aayā to likkheñge kabhī ḳhūn-e-jigar se