Tags-Khuda

kisī ke ishq-e-nihāñ meñ ye bad-gumānī thī
ki Darte Darte ḳhudā par bhī āshkār kiyā

raqīb o sheva-e-ulfat ḳhudā kī qudrat hai
vo aur ishq bhalā tum ne e'tibār kiyā

zamzam haram se aatā hai 'rāsiḳh' ke vāste
vo ḳhāna-e-ḳhudā hai vahāñ kuchh kamī nahīñ

aatī hai ḳhāk-e-tūr se ab tak yahī ḳhudā
dil kī lagī kā zikr koī dil-lagī nahīñ

yaad aatā hai ḳhudā pal pal pal
aisī hālat meñ ibādat kaisī

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

ek duuje se uktā ga.e aadmī
in se uktā.egā kab ḳhudā dekhiye

ism-o-sifat kā jalva ism-o-sifat meñ dekhā
har zaat kuuñ ḳhudā kī maiñ ain-e-zāt paayā

hai ishq uu ḳhudā kā gar ishq hai javāñ meñ
hai husn uu usī kā gar husn hai mahan meñ

kyā sāqī-o-muġhannī kyā jaam kyā surāhī
ġhair-e-ḳhudā nako kah gar hai sharāb dan meñ

vahdat ke mulk miyāne niiñ ġhair ko thakānā
ain-e-ḳhudā samajh tū jo hai is anjuman meñ

laḌā.eñ aañkh vo tirchhī nazar kā vaar rahne deñ
laḌakpan hai abhī nām-e-ḳhudā talvār rahne deñ

maḳhlūq ḳhudā kī ban ke sipar maidāñ meñ dilāvar ek tū hī
īmāñ ke payambar aa.e bahut insāñ kā payambar ek tū hī

ho raheñge ham bhī us ke ek din
haañ agar dil meñ ḳhudā baaqī rahā

uf-rī māyūsī kisī kā aasrā rakhtī nahīñ
shubah hotā hai ki tū shāyad ḳhudā rakhtī nahīñ

merī nazroñ ko ḳhudā-rā dāvat-e-kāvish na de
jagmagāte motiyoñ ke haar ko jumbish na de

mohabbat kī tarah ābād rakkhegā ḳhudā us ko
miTā saktī nahīñ duniyā-e-hādis kī havā us ko

kashtī-e-mai le ke ai saaqī pahuñch bahr-e-ḳhudā
be tire mahfil meñ dariyā-bār āñkheñ ho ga.iiñ

ai ḳhudā shāhid hamārā summa-vaj.hullāh hai
jab nigah kī but pe tujh se chaar āñkheñ ho ga.iiñ

dushman harīf-e-rāh-e-vafā hai ḳhudā kī shaañ
vahāñ jis pe thā yaqīn mujhe us kā gumāñ na thā