Tags-Khuda

raushan-zamīr tīra-nasībī ḳhudā kī shaan
itnī sī ab hikāyat lail-o-nahār hai

ḳhudī kyā aur ḳhudī kā mudda.ā kyā
jo banda hai banegā vo ḳhudā kyā

tire mutriboñ ko ḳhudā rakhe magar ab kahāñ tirī bazm meñ
koī sur jo mere suḳhan meñ thā koī lai jo mere lahū se thī

aadmī kā yaqīn kyā kiije
ab ḳhudā bhī gumān se niklā

bas ḳhudā yaad aa gayā 'nātiq'
jab vo kah kar chalā ḳhudā-hāfiz

ek kāfir kī hai nazar dil par
mere īmān kā ḳhudā hāfiz

ham chale rehn-e-ārzū ho kar
dil-e-be-mudda.ā ḳhudā-hāfiz

aa.ī hogī to maut aa.egī
tum to jaao mirā ḳhudā hāfiz

nahīñ ruktā to jā ḳhudā-hāfiz
ai dil-e-mubtalā ḳhudā-hāfiz

tum ta.abīr ḳhudā se māñgo
ham bas ḳhvāb dikhā sakte the

vo kab se muztarib haiñ ai ġham-e-ishq
ḳhudā jaane terī ġhairat kahāñ hai

ḳhudā kā shukr be-dām-o-diram the mai-kade meñ ham
magar pīr-e-muġhāñ apne purāne mehrbāñ nikle

bayābāñ meñ chaman meñ dasht meñ yā koh-e-vīrāñ meñ
ḳhudā jaane kahāñ pahuñche jo sū-e-āshiyāñ nikle

saath apne vo ḳhudā thā shāyad
saath apne jo ḳhudā.ī thī abhī

agar terī ḳhushī hai tere bandoñ kī masarrat meñ
to ai mere ḳhudā terī ḳhushī se kuchh nahīñ hotā

ab sabr-o-tahammul kā ai 'tāj' ḳhudā-hāfiz
paimāna labālab hai dekho na chhalak jaa.e

ḳhudā bhī jāntā hai ḳhuub jo makkār baiThe haiñ
haram meñ sar-nigūñ kuchh qābil-e-finnār baiThe haiñ

bandagī ham ne chhoḌ dī hai 'farāz'
kyā kareñ log jab ḳhudā ho jaa.eñ

sher kahtā huuñ maiñ ai 'ātish' ḳhudā kī hamd meñ
merī har ik bait par aalam hai baitullāh kā

salīqa hī nahīñ shāyad use mahsūs karne kā
jo kahtā hai ḳhudā hai to nazar aanā zarūrī hai