Tags-Khuda

roz-e-azal se insāñ hai khoj meñ ḳhudā kī
kis ko milā hai lekin us kā surāġh yaaro

maiñ hī tanhā huuñ faqat terī bharī duniyā meñ
aur bhī log haiñ kyā mere ḳhudā merī tarah

ḳhudā kare ki tirā azm barqarār rahe
zamāna raah meñ dīvār karne vaalā hai

abhī to qayāmat kā hai aasrā
ḳhudā jaane kyā ho qayāmat ke ba.ad

zindagī ko na banā leñ vo sazā mere baad
hausla denā unheñ mere ḳhudā mere baad

vo ḳhudā.ī ho to ho shān-e-tajallī to nahīñ
jis tajallī meñ nigāhoñ ko ḳhudā yaad rahe

vo raushnī hī kyā jo basārat ko chhīn le
āñkhoñ ko ai ḳhudā mirī be-nūr tū na kar

itnā bhī ai ḳhudā mujhe mash.hūr tū na kar
maiñ bhuul jā.ūñ tujh ko bhī maġhrūr tū na kar

ḳhudā rakhe tumheñ kyā koī jaur bhuul ga.e
jo ab talāsh hamārā mazār hotā hai

tamām paikar-e-badsūrtī hai mard kī zaat
mujhe yaqīñ hai ḳhudā mard ho nahīñ saktā

qatl ushshāq kiyā karte haiñ
but kahāñ ḳhauf-e-ḳhudā karte haiñ

chamakte chāñd se chehroñ ke manzar se nikal aa.e
ḳhudā hāfiz kahā bosa liyā ghar se nikal aa.e

na tujhe dimāġh-e-nigāh hai na kisī ko tāb-e-jamāl hai
unheñ kis tarah se dikhā.ūñ maiñ vo jo kahte haiñ ki ḳhudā nahīñ

ḳhudā kā ye karnā huā
ek din

is tarah sitam vo kar rahe haiñ
jaise merā ḳhudā nahīñ hai

is vahm kī intihā nahīñ hai
sab kuchh hai magar ḳhudā nahīñ hai

nāqūs mai-kade meñ bajāyā to ye kahā
bande gunāhgār tire ai ḳhudā haiñ ham

kyā ḳhudā haiñ jo bulā.eñ to vo aa hī na sakeñ
ham ye kahte haiñ ki aa jaa.eñ to jā hī na sakeñ

ishq hai sair-e-ḳhudā ai dostāñ
is liye ashraf hai asrāroñ ke biich

ḳhaak tasvīr musavvir se banegī terī
dūsrā tujh sā ḳhudā se bhī banāyā na gayā