Tags-Khuda

sañg-e-dar-e-habīb par hotā huuñ sajda-rez maiñ
ḳhalq-e-ḳhudā hai mo'tariz mujh pe mirī namāz par

kyuuñ sune arz-e-muztar ai 'momin'
sanam āḳhir ḳhudā nahīñ hotā

shaiḳh kartā to hai masjid meñ ḳhudā ko sajde
us ke sajdoñ meñ asar ho ye zarūrī to nahīñ

ḳhudā ne dī haiñ jin raushan-diloñ ko dūr-bīñ nazreñ
savād-e-kufr meñ vo nūr-e-īmāñ dekh lete haiñ

hayā nahīñ hai zamāne kī aañkh meñ baaqī
ḳhudā kare ki javānī tirī rahe be-dāġh

hadīs-e-dil kisī darvesh-e-be-galīm se pūchh
ḳhudā kare tujhe tere maqām se āgāh

ḳhudā vo vaqt na laa.e hamāre bachchoñ par
ki jis ghaḌī unheñ maaoñ kī bhī duā na lage

faḳhr zebā hai ki muddat pe kahīñ jā ke mirī
ab talabgār ḳhudā kī ye ḳhudā.ī huī hai

vo mai-kada hai tirī anjuman ḳhudā rakkhe
jahāñ ḳhayāl se pahle pilā.ī jaatī hai

ḳhudā vo dard-e-mohabbat har ek ko baḳhshe
ki jis meñ ruuh kī taskīn bhī paa.ī jaatī hai

murīd-e-sāda to ro ro ke ho gayā taa.ib
ḳhudā kare ki mile shaiḳh ko bhī ye taufīq

aadmī kī havas kā Thikānā nahīñ lekin 'anjum' ḳhudā se yahī māñgnā
ik vafādār biivī ho bachche hoñ ghar aur kyā chāhiye zindagī ke liye

ḳhudā jaane kyā asliyat ġhair kī hai
dikhe hai banī-nau-e-insān kar ke

maiñ to pūchhūñgā ki tum sab ke ḳhudā kaise ho
merī āvāz farishtoñ kī sadā kaise ho

sochtā rahtā huuñ takmīl-e-vafā kaise ho
aadmī bhī vo nahīñ hai to ḳhudā kaise ho

sochne vāloñ kī niyyat ko ḳhudā hī jaane
baat vāloñ ko nahīñ fikr-e-vafā kaise ho

ab vo hālat hai ki thak kar maiñ ḳhudā ho jā.ūñ
koī dildār nahīñ koī dil-āzār nahīñ

jabīñ pe naqsh-e-ḳhudā.ī ubharte jaate the
diloñ se yuuñ to na ḳhauf-e-ḳhudā nikalnā thā

na maiñ vo rahā kyā se kyā ho gayā
kyā mile tum mujhe maiñ ḳhudā ho gayā

ḳhudā se zulm kā shikva zarūr maiñ ne kiyā
baḌā qusūr ye ai rashk-e-hūr maiñ ne kiyā