Tags-Khuda

aah is dil meñ ḳhudā jaane huā kyā varna
nāla-e-dil mirā Duubā huā tāsīr meñ thā

unheñ shauq-e-dil-āzārī hameñ zauq-e-vafādārī
ḳhudā-hāfiz hai ab apne kishor-e-kār-e-ulfat kā

ham nahīñ vo jo kareñ ḳhuun kā da.avā tujh par
balki pūchhegā ḳhudā bhī to mukar jā.eñge

josh-e-vahshat meñ jo lī zindāñ se maiñ ne rāh-e-dasht
kūd-kāñ mujh ko ḳhudā-hāfiz pukāre shahr se

shāyad koī banda-e-ḳhudā aa.e
sahrā meñ azaan de rahā huuñ

milāyā hai jab ḳhudā ne ham ko
to kaun ham ko judā karegā

bhalā-burā vo ḳhudā karegā
ġharīb to bas duā karegā

raat kyā soch rahā thā maiñ bhī
apne aalam kā ḳhudā thā maiñ bhī

guloñ kā chaak garebāñ haiñ bulbuleñ nālāñ
chaman meñ 'ishq' ḳhudā jaane kis kā mātam hai

sadā-e-kun se bhī pahle kisī jahān meñ the
vajūd meñ na sahī ham ḳhudā ke dhyān meñ the

ye kis maz.hab meñ aur mashrab meñ hai hindū musalmāno
ḳhudā ko chhoḌ dil meñ ulfat-e-dair-o-haram rakhnā

merā dil-e-'muztar' but-e-kāfir se lagā hai
aur aañkh mirī sū-e-ḳhudā dekh rahī hai

ḳhudī ko kar buland itnā ki har taqdīr se pahle
ḳhudā bande se ḳhud pūchhe batā terī razā kyā hai

'asar' ko dekh kar kyā ruuh ko sadma pahuñchtā hai
ḳhudā samjhe butoñ se kis qadar be-dād karte haiñ

na kah bahr-e-ḳhudā tū bandagān-e-ishq ko kāfir
butoñ kī yaad meñ zāhid ḳhudā ko yaad karte haiñ

chal diye sū-e-haram kū-e-butāñ se 'momin'
jab diyā ranj butoñ ne to ḳhudā yaad aayā

pyāre ḳhudā ke vāste Tuk apne dil ke biich
insāf to karo ye kise maar kar chale

ashkoñ se apne dil ko hikāyat dāman par irqām karo
ishq meñ jab yahī kaam hai yaar vale ke ḳhudā kā naam karo

ḳhudā kā shukr ki merā makāñ salāmat hai
haiñ utnī tez havā.eñ ki bastiyāñ uḌ jaa.eñ

bikhar bikhar sī ga.ī hai kitāb sāñsoñ kī
ye kāġhzāt ḳhudā jaane kab kahāñ uḌ jaa.eñ