Tags-Khuda

vo halqa-hā-e-zulf kamīñ meñ haiñ yā ḳhudā
rakh liijo mere dāva-e-vārastagī kī sharm

mujh ko dayār-e-ġhair meñ maarā vatan se duur
rakh lī mire ḳhudā ne mirī bekasī kī sharm

tum itnā husn āḳhir kyā karoge
are kuchh to ḳhudā ke naam par do

ḳhudā vaa.iz se samjhe hashr ke din
hameñ us be-vazū ne maar Daalā

andāz-o-adā se kuchh agar pahchānūñ
albatta use ḳhudā qaa.il jānūñ

sohbat ā.īne se bachpan meñ ḳhudā ḳhair kare
vo abhī se kahīñ samjheñ na jamāl achchhā hai

ḳhudā ḳhāmosh hai aur ḳhauf-o-ġham se nīm-jāñ insāñ
havā kī lahr ko bhī maut kī aahaT samajhte haiñ

magar is daur meñ koī ḳhudā aisā nahīñ kartā
ki ab shahroñ kī hālat agle sahrāoñ se behtar hai

ḳhudā ke ḳhauf se apne gunāhoñ par ḳhajil ho kar
vo paiham girya kartā thā

atā pe harf na aa jaa.e māñgne se mire
ḳhudā ho mere to phir hasb-e-mudda.ā de do

ka.aba-o-dair-o-kalīsā kā tajassus kyuuñ ho
jab mire qalb hī meñ merā ḳhudā hai yaaro

kabhī to aa.e vo ai zindagī mirā ban kar
qasam ḳhudā kī maiñ rāhoñ ko bhī sajā.ūñgī

jahāñ na peḌ uge the na aag hī barsī
vahāñ hamāre liye kaun sā ḳhudā hotā

āḳhirī vaqt hai āḳhirī saañs hai zindagī kī hai shaam āḳhirī āḳhirī
sañg-dil aa bhī jā ab ḳhudā ke liye lab pe hai terā naam āḳhirī āḳhirī

mahak rahī hai zamīñ chāñdnī ke phūloñ se
ḳhudā kisī kī mohabbat pe muskurāyā hai

sāmne duḳhtar-e-barahman hai
aaj ausān kā ḳhudā hāfiz

ḳhudā mālūm kis kis ke lahū kī lāla-kārī hai
zamīn-e-kū-e-jānāñ aaj pahchānī nahīñ jaatī

na thī ḳhudā kī zamīñ tañg jin ke qadmoñ par
fuġhāñ ki qaid vo dīvār-o-dar meñ rahte haiñ

sochtā huuñ phir uThā luuñ barbat-e-kohna 'salām'
muntazir hai sher-o-naġhma kā ḳhudā mere liye

sahmī huī fazā-e-ġhazālāñ ke rū-ba-rū
jañgal thā qahqahe the ḳhudā thā maiñ dañg thā