Tags-Khuda

ek sub.h maiñ bedār huā to ḳhudā ġhā.eb thā
ye behad tashvīsh kī baat thī

kisī muslim ko na dī is kī ḳhudā ne taufīq
aap bhī dekh leñ kyā kaam hai kyā arz karūñ

ye Thiik hai nahīñ martā koī judā.ī meñ
ḳhudā kisī ko kisī se magar judā na kare

ḳhudā kā shukr hai 'fāzil' ki zindagī apnī
ġhamoñ ke saath bahut ḳhush-gavār guzrī hai

haqīqī ishq kī ishq-e-majāzī pahlī manzil hai
chalo sū-e-ḳhudā ai zāhidoñ kū-e-butāñ ho kar

darvesh-e-ḳhudā-mast na sharqī hai na ġharbī
ghar merā na dillī na safāhāñ na samarqand

ka.ī tūfān us mañjdhār se aage bhī haiñ lekin
nigāh-e-nā-ḳhudā mañjdhār se aage nahīñ jaatī

aage us mutakabbir ke ham ḳhudā ḳhudā kiyā karte haiñ
kab maujūd ḳhudā ko vo maġhrūr-e-ḳhud-ārā jaane hai

qabr se rāsta sīdhā hai ḳhudā ke ghar kā
jo udhar jaane lagā bāñdh ke ehrām aayā

pattharo aaj mire sar pe baraste kyuuñ ho
maiñ ne tum ko bhī kabhī apnā ḳhudā rakkhā hai

qadam qadam pe yahāñ degrēyāñ to miltī haiñ
ḳhudā ke vāste me.aar saath le jaao

kahāñ hai koī ḳhudā kā ḳhudā ke bandoñ meñ
ghirā huā huuñ abhī tak anā ke bandoñ meñ

jahāñ ko vo lab-e-mai-gūñ ḳharāb rakhte haiñ
ḳhudā ḳhabar ki ye kaisī sharāb rakhte haiñ

ḳhudā kare ki samā.at se maiñ rahūñ mahrūm
kabhī jo zikr ho merā riyā ke bandoñ meñ

hai ishq uu ḳhudā kā gar ishq hai javāñ meñ
hai husn uu usī kā gar husn hai mahan meñ

kyā sāqī-o-muġhannī kyā jaam kyā surāhī
ġhair-e-ḳhudā nako kah gar hai sharāb dan meñ

vahdat ke mulk miyāne niiñ ġhair ko thakānā
ain-e-ḳhudā samajh tū jo hai is anjuman meñ

koī na dekhā ki vāpas aayā ḳhudā ke ghar ek baar jā kar
vo dair-o-ka.aba meñ hai muqayyad ḳhudā ḳhudā kar ḳhudā ḳhudā kar

sirf afsar use kahnā to koī baat nahīñ
ham to sāhab ko clerkoñ kā ḳhudā kahte haiñ

zāhid kī tarah ḳhushk musalmāñ nahīñ 'jalīl'
ishq-e-butāñ bhī dil meñ hai yād-e-ḳhudā bhī hai