Tags-Khuda

patthar ke ḳhudā patthar ke sanam patthar ke hī insāñ paa.e haiñ
tum shahr-e-mohabbat kahte ho ham jaan bachā kar aa.e haiñ

maiñ kyā kiyā ki mujh ko nikāle hai vo sanam
ai ahl-e-bazm koī to bolo ḳhudā lagī

yā-ḳhudā rāh-e-vafā par rahbarī karnā merī
jab mujhe gumrāh merā ham-safar karne lage

hamāre māthe meñ rakh dī hai daas kī sī sarisht
use ḳhudā ne diyā hai kisī sanam kā jigar

lagā dī kāġhzī malbūs par mohr-e-sabāt apnī
bashar ke naam kar dī hai ḳhudā ne kā.enāt apnī

jafā kī us se shikāyat zarā nahīñ aatī
vo yaad hī hameñ shukr-e-ḳhudā nahīñ aatī

tūfāñ meñ mujh ko banñā paḌā us ke dast-o-pā
'sāhil' vagarna bantī na thī nā-ḳhudā ke saath

letā huuñ us kā naam bhī āh-o-bukā ke saath
kitnā hasīn rishta hai merā ḳhudā ke saath

vo jāneñ ishq-o-havas ko jab tak hayāt dushman kī hai ġhanīmat
baḌhegī us se hī qadr apnī ki ġhārat us ko ḳhudā na karnā

'shāyān' tujh ko aarzū jannat kī hai agar
dil ko lagā le apne ḳhudā kī kitāb se

jin ko gumān thā kahīñ koī ḳhudā nahīñ
qaumeñ na bach sakīñ vo ḳhudā ke azaab se

roz hī ḳhalq-e-ḳhudā martī hai yā dobāra
zinda ho jaate haiñ aḳhbār ke maare hue log

vo jan ko tū ne baḌā dil diyā hai mere ḳhudā
to kyuuñ ye hotā hai aksar ġharīb hote haiñ

har shaḳhs rashk kartā hai phir aisī zaat par
mar kar bhī jis ke rabt ho qaa.em ḳhudā ke saath

lab par ḳhudā kā naam ho dil meñ vatan kā dard
nikle badan se ruuh mirī is adā ke saath

ḳhudā ke liye haañ nahīñ kuchh to kah do
ki muñh tak rahī hai tamannā tumhārā

merā to ḳhudā kabhī nahīñ thā
maiñ kis ke ḳhudā kā muntazir huuñ

ḳhudā ke vāste un ko nikal kar jalva dikhlā do
ki ḳhvāhish-mand kūche meñ tire chitvan ke baiThe haiñ

ruḳhsat huā vo baap se le kar ḳhudā kā naam
rāh-e-vafā kī manzil-e-avval huī tamām

ḳhudā ḳhāmosh bande bolte haiñ
baḌe chup hoñ to bachche bolte haiñ