English
Favourite
Favourite
UrduShayarUrduShayar
Expand menu
Sign inAccount

Tags-Khuda

amal par mujhe e'timād apne kam hai
ḳhudā ke karam par bharosa ziyāda
Ghazal
 main chup kam raha aur roya ziyaada
vo utnā hī bantā hai hirs-e-mujassam
ḳhudā jis ko detā hai jitnā ziyāda
Ghazal
 main chup kam raha aur roya ziyaada
ḳhudā ke vāste mauqā na de shikāyat kā
ki dostī kī tarah dushmanī nibhāyā kar
Sher
 KHuda ke waste mauqa na de shikayat ka
ek meñ mil gayā ḳhudā maarā
yuuñ nibāhegā dūsrā kab tak
Ghazal
 ai sitam-azma jafa kab tak
ḳhudā kyā hai dikhā dūñgā tumheñ bhī
kisī patthar se chehra māñgne do
Ghazal
 bahut ho ya zara sa mangne do
bhārat kā azm hai ye taufīq ai ḳhudā de
duniyā se īn-o-āñ kī tafrīq ko miTā de
Nazm
 chhabbis january
ḳhudā ke sāmne ai mohtasib sach bolnā hogā
mire sāġhar meñ mai dekhī hai yā ḳhūñ-nāb dekhā hai
Ghazal
 baghal mein humne raat ek ghairat-e-mahtab dekha hai
ḳhudā ke sāmne sar ko uThāne se hai kyā hāsil
ḳhudā ke sāmne sar ko jhukāne kī zarūrat hai
Ghazal
 yahi ek baat saqi ko batane ki zarurat hai
huā hai hukm ki 'kaifī' ko sañgsār karo
masīh baiThe haiñ chhup ke kahāñ ḳhudā jaane
Ghazal
 suna karo meri jaan in se un se afsane
holī ke ab bahāne chhiḌkā hai rañg kis ne
nām-e-ḳhudā tujh uupar is aan ajab samāñ hai
Ghazal
 ab ki chaman mein gul ka ne nam o ne nishan hai
mujhī se pūchh rahā thā mirā patā koī
butoñ ke shahr meñ maujūd thā ḳhudā koī
Ghazal
 mujhi se puchh raha tha mera pata koi
ḳhudā asar se bachā.e is āstāne ko
duā chalī hai mirī qismat āzmāne ko
Ghazal
 KHuda asar se bachae is aastane ko
jaane ta.abīr ho ab kaisī ḳhudā ḳhair kare
raat phir ḳhvāb meñ khiltā huā ġhuncha dekhā
Ghazal
 aaj basti mein teri saneha aisa dekha
ḳhushī se ranj sahe 'nāz' umr bhar ham ne
ḳhudā-gavāh kabhī āsmāñ se kuchh na kahā
Ghazal
 dam-e-aKHir bhi humne zaban se kuchh na kaha
jhaaḌ mat jaañ tujhe ḳhudā kī suuñ
dil mirā hai ġhubār dāman kā
Ghazal
 kab kare qasd yar aawan ka
mire habīb mirī muskurāhaToñ pe na jā
ḳhudā-gavāh mujhe aaj bhī tirā ġham hai
Sher
 mere habib meri muskurahaTon pe na ja
ḳhudā kī kaun sī hai raah behtar jāntā hai
maza hai nekiyoñ meñ kyā qalandar jāntā hai
Ghazal
 KHuda ki kaun si hai rah behtar jaanta hai
shākir huuñ maiñ har haal meñ rāzī-ba-razā huuñ
taskīn kī daulat mujhe baḳhshī hai ḳhudā ne
Ghazal
 ek lafz-e-mohabbat ke bane lakh fasane
ḳhvāh kāfir mujhe kah ḳhvāh musalmān ai shaiḳh
but ke hāthoñ meñ bikā yā huuñ ḳhudā kī saugand
Sher
 KHwah kafir mujhe kah KHwah musalman ai shaiKH
jo ek baar anal-haq kī nazr kar de to
hazār baar ḳhudā tujh ko phir javānī de
Ghazal
 daraKHt kaise baDhega agar na pani de
Top Urdushayar.com