Tags-Khuda

ye ham jāneñ hamārī naav jaane yā bhañvar jaane
hamārī kashmakash meñ ab na aa.e nā-ḳhudā koī

vahī achchhā thā us chhātī kī sil se
badal detā kisī but se ḳhudā dil

jahāñ mahke mahak gayā saarā jahāñ bhalā itr ko bū ye nasīb kahāñ
ba-ḳhudā hī ḳhatā kaheñ mushk-bū ham tirī zulf pe sadqe nisār kiyā

na lo ishq kā naam ye kahte ho kyā jo ho teġh-tale bhī hamārā galā
yahī ham kahe jaa.eñ ḳhudā kī qasam tumheñ pyaar kiyā tumheñ pyaar kiyā

jab kahā roke tujh pe marte haiñ
hañs ke bolā vo but ḳhudā-ma.alūm

apne ehsās meñ ai vā.iz-e-taslīm-o-razā
riñd paimāna-ba-kaf ho to ḳhudā hotā hai

har taraf tazkira-e-jurm-o-sazā hotā hai
aaj ham samjhe ki banda bhī ḳhudā hotā hai

ḳhudā.ī hī ḳhudā kī ḳhaak se insāñ banā denā
tumhārā khel hai insāñ ko miTTī meñ milā denā

isī kā naam hai dīvāna banñā aur banā denā
butoñ ke sāmne jā kar ḳhudā kā vāsta denā

ḳhudā kī shaan ki munkir haiñ ādamiyyat ke
ḳhud apnī sukḌī huī zaat ke satā.e hue

ye bhed tere sivā ai ḳhudā kise mālūm
azaab TuuT paḌe mujh pe kis ke laa.e hue

dekho to jaan tum kuuñ manāte haiñ kab setī
bolo ḳhudā ke vāste Tuk laal lab setī

ḳhayāl aayā mujhe jab ḳhudā badalne kā
maiñ apne ashkoñ se harf-e-duā bhigo rahā thā

kuchh is liye bhī ḳhudā kī mujhe zarūrat thī
maiñ apne khet meñ gandum ke biij bo rahā thā

dil-e-ġham-dīda par ḳhudā kī maar
siina aahoñ se chhil gayā merā

āshiqāna hai aqīda bhī hamārā 'mā.il'
le ke ham nām-e-butāñ zikr-e-ḳhudā karte haiñ

hai yahī arz ḳhudā se ki fulāñ but mil jaa.e
vahī achchhe jo namāzoñ meñ duā karte haiñ

DhūñDo to but bhī yahīñ mil jā.eñge mard-e-ḳhudā
ham ne dekhā hai haram hī meñ kahīñ but-ḳhāna thā

sabhī apne aur begāne chale aa rahe haiñ samjhāne
mujhe kyā huā ḳhudā jaane maiñ siḌī huuñ yā ye dīvāne