Tags-Khuda

mirā to paiġhām vasl kā hai tumhārī taqrīr hijr kī hai
butāñ hai ye bhī ḳhudā kī qudrat savāl dīgar javāb dīgar

ḳhudā samjhe but-e-sehr-āfrīñ se
garebāñ ko laḌāyā āstīñ se

ye vo sanam hai parī-rū ki jis pe hotī thiiñ
hazār jaan se pariyāñ nisār nām-e-ḳhudā

usī ke sar kī qasam hai ki ham to mar jaate
agar na hotā ye gul-rū nigār nām-e-ḳhudā

'nazīr' ek ġhazal aur kah ki tere suḳhan
haiñ ab to sab guhar-e-āb-dār nām-e-ḳhudā

na Toko dosto us kī bahār nām-e-ḳhudā
yahī ab ek hai yaañ gul-ezār nām-e-ḳhudā

galī meñ kūcha o bāzār meñ ham ab din raat
usī ke vāste phirte haiñ ḳhvār nām-e-ḳhudā

ġharaz jidhar ko nikaltā hai ye to har ik ke
zabāñ se nikle hai be-iḳhtiyār nām-e-ḳhudā

usī sanam ke ruḳh o zulf ke tasavvur meñ
hamārī guzre hai lail-o-nahār nām-e-ḳhudā

qadam qadam pe barahman kaheñ haiñ bismillāh
sanam bhī kahte haiñ sab baar baar nām-e-ḳhudā

usī ke nashtar-e-mizhgāñ meñ ab vo tezī hai
ki jis se hote haiñ ham dil-figār nām-e-ḳhudā

uThā ke siina jhaTak baazū aur banā kar dhaj
chale hai jis ghaḌī Thokar ko maar nām-e-ḳhudā

usī sanam kī nigāhoñ kī barchhiyāñ yaaro
huī haiñ mere kaleje ke paar nām-e-ḳhudā

bane haiñ yaañ jo ka.ī dair aur sanam-ḳhāne
udhar jo jo hotā hai us kā guzār nām-e-ḳhudā

merī imdād sab ne farmā.ī
vā.iz-o-zāhid-o-ḳhudā ke sivā

nā-ḳhudā-tarshoñ ko jab tum ne kiyā apnā nadīm
huā ma.alūm ki tum apnā burā chāhte ho

'nāzim' tire ash.ār meñ haiñ ma.anī-e-tauhīd
is zamzame par karte haiñ mardān-e-ḳhudā raqs

balā meñ phañstā hai dil muft jaan jaatī hai
ḳhudā kisī ko na le jaa.e us galī kī taraf

jaate ho ḳhudā-hāfiz haañ itnī guzārish hai
jab yaad ham aa jaa.eñ milne kī duā karnā

mujhe aziiz hai ye nik.hatoñ kā gahvārā
ḳhudā kare na mile tere ġham se chhuTkārā