Tags-Khuda

tumheñ chāhūñ maiñ tum raqīboñ ko chāho
ye insāf pesh-e-ḳhudā chāhtā huuñ

ham se kyā kyā ḳhudā mukartā hai
ham ḳhudā se mukarte rahte haiñ

aisā ujḌā sanam-kada dil kā
ho gayā ḳhāna-e-ḳhudā sā kuchh

aap ke naḳhre uThā.eñ har ghaḌī minnat kareñ
jā.iye itne meñ to ham ko ḳhudā mil jā.egā

itnī āsānī se gar tujh ko ḳhudā mil jā.egā
phir to terī vahshatoñ ko hausla mil jā.egā

ḳhudā ne banā.ī hai ye kā.enāt
ye phal phuul paude ye din aur raat

ḳhudā puurī kare ye hasrat-e-dīdār kī hasrat
ki dekhūñ aur tire jalvoñ ko dekhūñ be-hijābāna

mas.ala mere tahaffuz kā nahīñ
shahr kā shahr ḳhudā chāhtā hai

chhoḌā na tujhe ne raam kyā ye bhī na huā vo bhī na huā
ham se to but-e-kāfir ba-ḳhudā ye bhī na huā vo bhī na huā

ḳhudā kā shukr na bandoñ kā shukriya vājib
isī fareb meñ huuñ jo kiyā kiyā maiñ ne

kahte haiñ aadmī meñ ḳhudā.ī kā aks hai
bande haiñ be-niyāz ḳhudā kī kise ḳhabar

tirā naam lete hī ai ḳhudā maiñ sanam-kade se nikal chukā
raheñ kaash tā-dar-e-mustafā mirī rahnumā tirī āyateñ

ai ḳhudā kashmakash-e-yās-o-tamannā kab talak
un ke rahne ke liye dil meñ ho har ḳhāna judā

dil-e-ḳhilqat-e-ḳhudā ko sanamā jalā na chandāñ
ki falak ke paar pahuñche taf-e-āh-e-dard-mandāñ

jo kiyā tū ne ḳhudā jāntā hai
ham tire saath magar kyā karte

jo kiyā tū ne ḳhudā jāntā hai
ham tire saath magar kyā karte

tirā ḳhat aane se dil ko mere ārām kyā hogā
ḳhudā jaane ki is āġhāz kā anjām kyā hogā

kuchh to ākāsh meñ tasvīr sā hai
muskurā de to ḳhudā likh denā

ḳhudā hashr meñ ho madad-gār merā
ki dekhā hai maiñ ne

ḳhudā hashr meñ ho madad-gār merā
ki dekhī haiñ maiñ ne mrs.-sālā-māñkā kī āñkheñ