English
Favourite
Favourite
UrduShayarUrduShayar
Expand menu
Sign inAccount

Tags-Khuda

ajiib log haiñ dil meñ ḳhudā se munkir haiñ
magar zabān se zikr-e-ḳhudā nahīñ jaatā
Ghazal
 sitamgaron ka tariq-e-jafa nahin jata
mujhe bhejā to puurā thā ḳhudā ne
magar hissoñ kī qīmat lag rahī hai
Ghazal
 meri bipta bhi kitni dukh-bhari hai
maiñ shor karne vaale qabīle kā fard thā
par boltā nahīñ thā jabhī to ḳhudā huā
Ghazal
 bazar-e-kainat mein ye faisla hua
abhī to mujh se ḳhudā.ī kī had meñ baat karo
ḳhudā bano to batānā ki aadmī kyā hai
Ghazal
 hudud-e-zat mein auron ka zikr hi kya hai
mustaqbil-e-but-ḳhāna kā hāfiz hai ḳhudā hī
har but ko ye da.avā hai ki ab maiñ hī ḳhudā huuñ
Ghazal
 lo aaj samundar ke kinare pe khaDa hun
phir us ke ba.ad kaam aatā hai jazba Duub marne kā
talātum tak ḳhudā-o-nā-ḳhudā kī baat hotī hai
Ghazal
 ada-e-husn ki husn-e-ada ki baat hoti hai
ye kaisā daur-daura hai qalam-rū-e-mohabbat meñ
butoñ kā hukm chaltā hai ḳhudā kī baat hotī hai
Ghazal
 ada-e-husn ki husn-e-ada ki baat hoti hai
tū but-e-ishq nahīñ tū to ḳhudā hai merā
ab tujhe haath lagāyā to nahīñ jā saktā
Ghazal
 umr bhar bojh uThaya to nahin ja sakta
ḳhudā kā shukr ki maiñ ḳhud se āshnā huuñ 'nadīm'
mirī nigāh mirā ehtirām kartī hai
Ghazal
 basiraton ka nazar ehtiram karti hai
nahīñ jhukoge agar ik ḳhudā ke aage tum
na jaane kitne daroñ par ye sar jhukāoge
Ghazal
 har ek shaKHs ko dushman agar banaoge
sab log apne apne ḳhudāoñ ko laa.e the
ek ham aise the ki hamārā ḳhudā na thā
Ghazal
 jab tak nigar-e-dasht ka sina dukha na tha
yahī jagah jahāñ ham aaj mil ke baiThe haiñ
isī jagah pe ḳhudā jaane kal ko kyā hogā
Ghazal
 jab agle sal yahi waqt aa raha hoga
vahī ġharīboñ kā bhī ḳhudā hai bahut hai jiine ko ye sahārā
'sirāj' is daur se guzarnā magar baḌā saḳht imtihāñ hai
Ghazal
 ab itni arzan nahin bahaaren wo aalam-e-rang-o-bu kahan hai
nikal kar dair-o-ka.aba se agar miltā na but-ḳhāna
to Thukrā.e hue insāñ ḳhudā jaane kahāñ jaate
Sher
 nikal kar dair-o-kaba se agar milta na but-KHana
ḳhudā kare kahīñ mauqe se mujh ko mil jaa.eñ
yahī hasīñ jo mujhe pārsā samajhte haiñ
Ghazal
 but apne-ap ko kya jaane kya samajhte hain
but apne-āp ko kyā jaane kyā samajhte haiñ
mirā ḳhudā unheñ samjhe ḳhudā samajhte haiñ
Ghazal
 but apne-ap ko kya jaane kya samajhte hain
ḳhudā kī shaan ye koThoñ ke baiThne vaale
hamārī aah ko ab nā-rasā samajhte haiñ
Ghazal
 but apne-ap ko kya jaane kya samajhte hain
laao ik lamhe ko apne-āp meñ Duub ke dekh aa.uuñ
ḳhud mujh meñ hī merā ḳhudā ho ye bhī to ho saktā hai
Sher
 lao ek lamhe ko apne-ap mein Dub ke dekh aaun
bārhā ye hameñ mahsūs huā
dard siine kā ḳhudā ho jaise
Ghazal
 KHun patton pe jama ho jaise
banda-parvar maiñ vo banda huuñ ki bahr-e-bandagī
jis ke aage sar jhukā dūñgā ḳhudā ho jā.egā
Sher
 banda-parwar main wo banda hun ki bahr-e-bandagi
Top Urdushayar.com