Tags-Khuda

kaafī ik lafz hai huzūr-e-ḳhudā
ye shab-o-roz iltijā kiyā hai

qadam qadam pe nayā ik ḳhudā nazar aayā
na jaane kaun sā bar-haq hai in ḳhudāoñ meñ

ajī chashm-e-bad-dūr nām-e-ḳhudā
tumheñ kyā bhalā surḳh joḌā lagā

jin ke dāman tahī aur ḳhālī the dil jin kī jur.at thī kam aur jaañ muzmahil
āstānoñ pe sajde vo karte rahe rafta rafta hamāre ḳhudā ho ga.e

maiñ apne ḳhvāb se kaT kar jiyūñ to merā ḳhudā
ujaaḌ de mirī miTTī ko dar-ba-dar kar de

mire ḳhudā mujhe itnā to mo'atabar kar de
maiñ jis makān meñ rahtā huuñ us ko ghar kar de

maiñ bhī ashraf huuñ nigāhoñ meñ ḳhudā kī mere
merī to god meñ khele haiñ masīhā kitne

barhaman ko bātoñ kī hasrat rahī
ḳhudā ne butoñ ko na goyā kiyā

ḳhudā ke haath hai ab apnā ai 'qalaq' insāf
butoñ se hashr meñ hogā muāmla dil kā

vo zulm karte haiñ ham par to log kahte haiñ
ḳhudā bure se na Daale muāmla dil kā

tamām ḳhalq-e-ḳhudā tujh ko chāhne lagtī
lagā na detā agar tū panāh kī taḳhsīs

mirā dard pūchhā mirā haal dekhā mire dil kā armān tum ne nikālā
ḳhudā aur bhī de zyāda marātib sivā aur is se bhī ho bol-bālā

ḳhudā kī ḳhudā.ī kā jalva hai o but
ye husn-e-javānī nahīñ shān-e-rab hai

maiñ apnī zaat se nā-āshnā thā
ḳhudā se āshnā hone se pahle

hamāre saath uThtā baiThtā thā
vo ik banda ḳhudā hone se pahle

baqā kī fikr na andesha-e-fanā 'hamdam'
ḳhudā ke jalve meñ ḳhud ko samā rahā huuñ maiñ

na le jā dair se ka.aba hameñ zāhid ki ham vaañ bhī
ḳhudā ko bhuul jaate haiñ butoñ ko yaad karte haiñ

har ek gaam pe sajda yahāñ ravā hogā
ḳhudī kā daur hai har shaḳhs ab ḳhudā hogā

yahāñ fareb-e-nsheb-o-farāz aksar hai
ḳhudā ke vāste itnā na muñh uThā.e chalo

shīsha-e-dil kā ḳhudā hāfiz hai
terī har baat hai patthar vaa.iz