Tags-Khuda

ye māntā huuñ maiñ mehmāñ ḳhudā kī rahmat hai
ke tum ne dekhī nahīñ merī mezbānī kyā

tū hai bahār to dāman mirā ho kyuuñ ḳhālī
ise bhī bhar de guloñ se tujhe ḳhudā kī qasam

yahī kahtī lailī-e-soḳhta-jāñ nahīñ khātī adab se ḳhudā kī qasam
ġham-e-qais sivā mujhe ġham nahīñ kuchh usī kushta-e-nāz-o-adā kī qasam

kahā thā ai dil-e-nā-faham-o-nādāñ tujh se ye kis ne
ḳhudā-ḳhāne kī hurmat ko sanam-ḳhāne meñ rakh denā

husn-e-nazar kī aabrū san.at-e-barhaman se hai
jis ko sanam banā liyā us ko ḳhudā banā diyā

zauq-e-nigāh ke sivā shauq-e-gunāh ke sivā
mujh ko butoñ se kyā milā mujh ko ḳhudā ne kyā diyā

insān-e-havas-pesha se kyā ho nahīñ saktā
majbūr hai is se ki ḳhudā ho nahīñ saktā

is chhāliyā ke peḌ ke nīche ḳhudā-gavāh
mujh par nuzūl rahmat-o-ijlāl-e-haq huā

hazār muflis-o-nādār maiñ sahī 'rahbar'
ḳhudā kā shukr kisī kā bhī qarz-dār nahīñ

niyyat ho agar nek to detā hai ḳhudā bhī
karte haiñ amal log to miltā hai sila bhī

vasl us kā ḳhudā nasīb kare
'mīr' dil chāhtā hai kyā kyā kuchh

paḌe haiñ ham biich meñ balā ke karam karo vāste ḳhudā ke
hue haiñ bande tirī razā ke jo kuchh ke haq meñ hamāre kiije

soch kar bas yahī ab milegā ḳhudā
har galī aur bastī nagar maiñ gayā

pyārī laḌkiyo patā hai ḳhudā ne tumheñ kyuuñ banāyā hai
is liye ki tum zindagī kā dāman husn-e-do-ālam se bhar do

pyāre laḌko patā hai ḳhudā ne tumheñ kyuuñ banāyā hai
is liye ki tum har har us muhim meñ be-ḳhatar kuud paḌo jo baḌe sar karnā chāhte the

pyāre bachcho patā hai ḳhudā ne tumheñ kyuuñ banāyā hai
is liye ki tum vaj.h be-vaj.h muskurāo

pyāre buzurgo patā hai ḳhudā ne tumheñ kyuuñ banāyā hai
is liye ki tum kaaT sako jo tum ne boyā thā

pyāre mardo patā hai ḳhudā ne tumheñ kyuuñ banāyā hai
is liye ki tum hāthoñ meñ haath Daal kar aur saroñ se sar joḌ kar hifāzat karo

apnī nazar to 'nayan' ḳhudā par hai ho so ho
jo aan baaz khaa.e so lāchār dekhnā

jab safīna mauj se Takrā gayā
nāḳhudā ko bhī ḳhudā yaad aa gayā