Tags-Khuda

ḳhudā bachā ke rakhe 'mīnā' us ghaḌī se hameñ
ki baat Thahre kabhī us ke āzmāne par

kunj-e-uzlat meñ biThāyā hai ḳhudā ne 'ātish'
ab jo tum yaañ se hile paaoñ tumhāre toḌe

kis sanam ko chhuḌā diyā vaa.iz
le ḳhudā tujh se intiqām mirā

rahe ġhairiyat ke hijāb meñ jo ḳhudā-numā se nahīñ mile
jo ḳhudā ko un se talab kiye rahī baat un pe nihāñ nahīñ

jise ho subūt vajūd kā vahī haq-shanās hai bā-ḳhabar
unheñ jumla aave ḳhudā nazar vo ḳhudā ko dekhe kahāñ nahīñ

pūchhegā jo ḳhudā to ye kah deñge hashr meñ
haañ haañ gunah kiyā tirī rahmat ke zor par

Duub jaa.eñ na phuul kī nabzeñ
ai ḳhudā mausamoñ kī sāñseñ khol

diloñ ko fikr-e-do-ālam se kar diyā āzād
tire junūñ kā ḳhudā silsila darāz kare

jinheñ log kahte haiñ duzd-e-mai vo ḳhudā-parast 'riyāz' haiñ
ye sunā hai kal ki janāb hī pas-e-ḳhum the mahv namāz meñ

agar ḳhudā na kare sach ye ḳhvāb ho jaa.e
tirī sahar ho mirā āftāb ho jaa.e

ka.abe se jo but nikle bhī to kyā ka.aba hī gayā jo dil se nikal
afsos ki but bhī ham se chhuTe qabze se ḳhudā kā ghar bhī gayā

maiñ use sochtā rahā ya.anī
vo mirā ḳhvāb hai ḳhudā ya.anī

isī umiid pe āñkheñ barastī rahtī haiñ
ki ek din to sunegā ḳhudā udāsī kī

vo kahtā thā ḳhudā jaane bahār aa.e to kyā guzre
ḳhudā jaane bahār aa.ī to dīvāne pe kyā guzrī

batā.eñ barhaman aur shaiḳh un kī ḳhāna-jañgī meñ
ḳhudā-ḳhāne pe kyā biitī sanam-ḳhāne pe kyā guzrī

pesh-e-ḳhudā chalo to maza jab hai ai 'hafīz'
na.ara ho lab pe ashhado-an-lā-ilāh kā

unheñ kaho ki kabhī jañgaloñ kī samt bhī aa.eñ
jo bastiyoñ meñ karishme ḳhudā ke dekhte haiñ

kaise hogā ab ḳhudā.ī bandagī kā faisla
shahr ke saare ḳhudā meñ ek banda rah gayā

harīm-e-nāz se niklī to tere jism kī baat
zabān-e-ḳhalq-e-ḳhudā par rahī hai kitnī der

jalva-e-husn-e-butāñ se hai agar dil kā ziyāñ
ai ḳhudā-vand mire dil kā ziyāñ aur sahī