Tags-Khuda

hashr meñ pesh-e-ḳhudā faisla is kā hogā
zindagī meñ mujhe us gabr ko tarsāne do

asnām-e-zar ke paañv meñ Daale hue jabīñ
kitne haiñ bandagān-e-ḳhudā dekhte chalo

aao ik sajda kareñ ālam-e-mad.hoshī meñ
log kahte haiñ ki 'sāġhar' ko ḳhudā yaad nahīñ

jab hijāboñ meñ pinhāñ thā husn-e-butāñ but-parastī kā bhī ek meyār thā
ab to har moḌ par but hī but jalvagar ab kahāñ tak butoñ ko ḳhudā māniye

ḳhudā ne gaḌ.h to diyā ālam-e-vajūd magar
sajāvaToñ kī binā auratoñ kī zaat huī

ḳhudā hī se na kyuuñ māñgūñ panāheñ
ki zehn-e-nā-ḳhudā meñ bhī ḳhudā hai

na itnā zulm kar ai chāñdnī bahr-e-ḳhudā chhup jā
tujhe dekhe se yaad aatā hai mujh ko māhtāb apnā

dushman ko bhī de ḳhudā na aulād kā daaġh
jaatā nahīñ hargiz dil-e-nāshād kā daaġh

mire log ḳhema-e-sabr meñ mire shahr gard-e-malāl meñ
abhī kitnā vaqt hai ai ḳhudā in udāsiyoñ ke zavāl meñ

safīna koī salāmat na rah sakegā ab
qasam-ḳhudā-kī maiñ biphrā huā samundar huuñ

rahā jo bhiiḌ meñ bhī mushfiqoñ kī sar-afrāz
ḳhudā-gavāh meñ vaisā hī ek masdar huuñ

but yahāñ milte nahīñ haiñ yā ḳhudā miltā nahīñ
azm mustahkam to ho duniyā meñ kyā miltā nahīñ

mire ḳhāmosh ḳhudā
saath mire bol zarā

mujh pe rakhtā hai tohmat-e-ilhād
maiñ bhī banda isī ḳhudā kā huuñ

us kā paiġhām samajh paa.e nahīñ aur nādāñ
qatl karne lage logoñ ko ḳhudā ke pīchhe

mire ḳhudā ye tab-o-tāb-e-saf.ha kaisī hai
jo likh rahā huuñ vo kilk-e-hunar se bāhar hai

ḳhudā-hāfiz buland āvāz meñ kahnā paḌegā
phir us āvāz se aage nikal jaanā paḌegā

dozaḳh kā Dar nahīñ hai to patthar kī aag kyā
kāfir buto hameñ hai ḳhudā kā kalām hifz

kāfir butoñ ke naam hoñ kyūñkar tamām hifz
itne ḳhudā ki ho na sakeñ jin ke naam hifz

ab bhī ḳhudā-parast hai dair-o-haram kī qaid meñ
haa.e nigāh-e-nā-rasā haa.e mazāq-e-nā-tamām