Tags-Khushi

baras bhar kī ḳhushī ke ham ne kuchh naqshe banā.e the
bhare the un meñ kaise kaise dil-kash rañg

ḳhushī meñ bhī kamī kuchh aa ga.ī hai
ġhamoñ meñ bhī izāfa ho gayā hai

na pūchh us kī dil-afsurdagī kī kaifiyyat
jo ġham-nasīb ḳhushī meñ bhī muskurā na sakā

adū to kyā ye falak bhī use satā na sakā
ḳhushī hañsā na sakī ġham jise rulā na sakā

umr-bhar koī ḳhushī aa.ī na raas
ruuTh kar us dil se to achchhā gayā

har na.e paat kī aamad kī ḳhushī mujh se hai
aur har jhaḌtī huī shāḳh kā sadma huuñ maiñ

qafas meñ aaj tamāshā-e-ġham hai qābil-e-dīd
taḌap rahā huuñ maiñ sayyād kī ḳhushī ke liye

ġham hai yā ḳhushī hai tū
merī zindagī hai tū

ġham hai na ab ḳhushī hai na ummīd hai na yaas
sab se najāt paa.e zamāne guzar ga.e

hameñ shikva nahīñ ik dūsre se
manānā chāhiye us par ḳhushī kyā

mujhe ḳhabar nahīñ ġham kyā hai aur ḳhushī kyā hai
ye zindagī kī hai sūrat to zindagī kyā hai

jitnā hotā hai kam āsār-e-ḳhushī kā lamha
dil mirā dard se utnī bhī na mohlat māñge

merī ḳhushī kā bhed hai bas ye sab kā dukh
mere apne dukh meñ shāmil hotā hai

ḳhushī kā saath milā bhī to dil pe baar rahā
maiñ aap apnī tabāhī kā zimmedār rahā

DhūñDte ho kyā ḳhushī ab ghar chaleñ
mil chuke haiñ ġham ka.ī ab ghar chaleñ

jo shahīd-e-rāh-e-vafā hue vo isī ḳhushī meñ magan rahe
ki jo din the un kī hayāt ke ġham-e-zindagī meñ guzar ga.e

ḳhushī usī kī hamesha nazar meñ rahtī thī
aur apnī quvvat-e-ġham bhī bahāl rakhte the

ab ġham kā koī ġham na ḳhushī kī ḳhushī mujhe
āḳhir ko raas aa hī ga.ī zindagī mujhe

shām-e-ġham kī sahar na ho jaa.e
har ḳhushī muḳhtasar na ho jaa.e

har gaam par ḳhushī se vāraftagī sī hogī
laanā javāb-e-ḳhat ko ai nāma-bar sambhāle