Tags-Khushi

ḳhushī kī chaah meñ kuchh ġham uThāne paḌte haiñ
guloñ kī ḳhaar nahīñ karte pāsbānī kyā

tere milne kī ḳhushī meñ koī naġhma chheḌūñ
yā tire dard-e-judā.ī kā gilā pesh karūñ

ḳhushī to ye hai ki pās-e-adab rakhā ham ne
malāl ye hai ki apnī koī ḳhatā bhī na thī

dukhā dete ho tum dil ko to baḌh jaatā hai dil merā
ḳhushī hotā huuñ aisā maiñ ki hañs detā huuñ riqqat meñ

ġham ke dāman meñ ḳhushī achchhī lagī
thā añdherā raushnī achchhī lagī

ham ko itnā bhī rihā.ī kī ḳhushī meñ nahīñ hosh
TuuTī zanjīr ki ḳhud paañv hamārā TuuTā

dukh ho sukh ho rañj ḳhushī ho mushkil ho yā āsānī
har mausam meñ saath nibhā.e merā yaar purānā chāñd

ye be-ḳhudī ye laboñ kī hañsī mubārak ho
tumheñ ye sālgirah kī ḳhushī mubārak ho

kise ḳhabar hai ki umr bas us pe ġhaur karne meñ kaT rahī hai
ki ye udāsī hamāre jismoñ se kis ḳhushī meñ lipaT rahī hai

maanā hijr kī raat hai ye par kitnī ḳhushī kī baat hai ye
ġham kī rim-rim-jhim kī hamdam bazm-e-tarab kā hissa hai

zindagī kī har nafas meñ be-kalī tere baġhair
har ḳhushī lagtī hai dil ko ajnabī tere baġhair

zindagī ke āḳhirī lamhe ḳhushī se bhar gayā
ek din itnā hañsā vo hañste hañste mar gayā

'sahar' is jahān-e-bahār-e-ḳhizāñ meñ
ḳhushī dā.imī hai na ġham jāvedānī

hargiz fareb-e-rañg-e-masarrat na khā.iye
ye ġham kā naam hai ye haqīqī ḳhushī nahīñ

vo dil diyā nasīb ne jis meñ ḳhushī nahīñ
ik chiiz to milī hai magar kaam kī nahīñ

vo sarḳhushī de ki zindagī ko shabāb se bahara-yāb kar de
mire ḳhayāloñ meñ rañg bhar de mire lahū ko sharāb kar de

agar ḳhushī meñ tujhe gungunāte lagte haiñ
to log shahr se aañsū bahāne lagte haiñ

ḳhū hai az-bas ki āshiqī dil kī
ġham se vābasta hai ḳhushī dil kī

dāman se apne jhaaḌ ke sahrā-e-ġham kī dhuul
aao chalo na ham bhī chuneñ sarḳhushī ke phuul

aa.egā koī jaam mai-e-sarḳhushī liye
ai dil kuchh aur der hiñDole meñ ġham ke jhuul