Tags-Khushi

duniyā badal ga.ī hai badal se ga.e haiñ kuchh
apnī ḳhushī badal ke tumhārī ḳhushī se ham

des huā āzād hamārā ghar ghar diip jalā.eñge
mil kar jashn manāeñge ham giit ḳhushī ke gā.eñge

ye maiñ nahīñ huuñ to phir kis kī aamad aamad hai
ḳhushī se nāchtī phirtī hai regzār kī ḳhaak

ḳhalish kī tah meñ sukūñ milegā alam kī tah meñ ḳhushī milegī
baġhaur dekho to maut meñ bhī tumheñ na.ī zindagī milegī

mujhe ḳhushī hai mirī us se rasm-o-rāh nahīñ
vo shaḳhs dil se kisī kā bhī ḳhair-ḳhvāh nahīñ

haar jaatā maiñ ḳhushī se ki vafā kā thā savāl
jiit jaatī vo agar shart lagātī mujh se

raag ḳhayāl gaatā hai raqs ḳhushī dikhātā hai
duur se kyuuñ rijhātā hai paas to aa tū kaun hai

vo mujh se milne ko aa.e haiñ merī maut ke ba.ad
ḳhushī bhī mere liye ġham hai kyā kiyā jaa.e

hai apnī ḳhushī is meñ ki to jis meñ ḳhushī ho
ārām hai apne ta.iiñ ārām se tere

bas ki fa.ālummā-yurīd hai aaj
har silah shor englistāñ kā

sar-e-kunj-e-tamannā phir ḳhushī se gungunā.uñgā
agar vo lauT kar aa.e to phir tum dekhnā mujh ko

dayār-e-ishq meñ tanhā rahā nahīñ hargiz
ḳhushī ne haath jo chhoḌā to ġham ne thaam liyā

maiñ ne ḳhushī se kī hai ye tanhā.ī iḳhtiyār
mujh par lagā ke vo koī qadġhan nahīñ gayā

guzar jā.eñge ye din bebasī ke
zamāne lauT ā.eñge ḳhushī ke

ḳhushī apnī na ab to lauTtī ma.alūm hotī hai
unheñ mil kar unheñ kī ho ga.ī ma.alūm hotī hai

vaqt detā hai jo pahchān to ye dekhtā hai
kis ne kis dard meñ dil kī ḳhushī rakkhī huī hai

biitī bātoñ pe tū na ro ai 'bashar'
kal kī sochegā to ḳhushī hogī

aap ko dil hai milānā to milā.eñ ba-ḳhushī
duur se haath milāte haiñ chale jaate haiñ

vafā se aur na tark-e-vafā se aap haiñ ḳhush
mujhe batā.iye phir aap kī ḳhushī kyā hai

kis qadar ḳhush huuñ maiñ 'nāsir' un ko pā lene ke baad
aisā lagtā hai kabhī aisī ḳhushī dekhī na thī