Tags-Khushi

baḌhā.e dostī kā haath dushman bhī tah-e-dil se
lagā lete haiñ siine se ḳhushī se baat karte haiñ

chand kaliyāñ nashāt kī chun kar muddatoñ mahv-e-yās rahtā huuñ
terā milnā ḳhushī kī baat sahī tujh se mil kar udaas rahtā huuñ

jaane kyā dil ko mohabbat meñ sahārā ho gayā
yā ḳhushī bhī baar thī yā ġham gavārā ho gayā

tamām umr ḳhushī kī talāsh meñ guzrī
tamām umr taraste rahe ḳhushī ke liye

ḳhushī nasīb nahīñ ham ko ta-ba-hashr koī
hazār rañj haiñ ek aur ye dil-figār hai ek

kyā ḳhushī meñ zindagī kā hosh kam rah jā.egā
ġham agar miT bhī gayā ehsās-e-ġham rah jā.egā

justujū jis kī yahāñ par kī 'munīr'
us se milne kī ḳhushī hai us taraf

sayyād ke qafas meñ unheñ bhuuk le ga.ī
panchhī ḳhushī se jaal meñ phañsne nahīñ ga.e

dayār-e-ishq kī sham.eñ jalā to sakte haiñ
ḳhushī mile na mile muskurā to sakte haiñ

agar vo jaan bhī māñge ḳhushī ḳhushī de duuñ
magar vo kuchh bhī kahāñ be-zabān māñgegā

ye shahr vo hai ki koī ḳhushī to kyā detā
kisī ne dil bhī dukhāyā nahīñ bahut din se

ab marnā hai apne ḳhushī hai jiine se be-zārī hai
ishq meñ aise halke hue haiñ jaan badan ko bhārī hai

maiñ bhalā kyuuñ kahtā gar miltī ḳhushī
zindagī ġham ke sivā kuchh bhī nahīñ

koī ta.assur ho zindagī kā
kareñ ḳhushī ġham bayān chehre

un kī ḳhushī yahī hai to achchhā yūñhī sahī
ulfat kā naam aaj se dīvāngī sahī

mirī zindagī kā hāsil tire ġham kī pāsdārī
tire ġham kī aabrū hai mujhe har ḳhushī se pyārī

yahāñ ḳhushī to nahīñ hai magar pa.e taskīñ
ġhamoñ kā naam ḳhushī rakh liyā hai duniyā ne

bahut dinoñ se hai dil apnā ḳhālī ḳhālī sā
ḳhushī nahīñ to udāsī se bhar ga.e hote

apne bachchoñ ko na deñ paa.e kabhī koī ḳhushī
sirf ham likhte rahe apne hunar kī tārīḳh

udhār le ke ḳhushī saarī umr jiite rahe
magar ye ilm thā aa.egī ham pe aafat bhī