Tags-Khushi

vahīñ dā.imī ḳhushī ke haiñ chhupe hue ḳhazāne
jo pahāḌī silsila hai yam-e-be-karāñ se aage

koī mare kisī ko ḳhushī ho ḳhudā kī shaan
mātam kisī jagah ho kahīñ nāch-rañg ho

ġham kī Dhalvān tak aa.e to ḳhushī tak pahuñche
aadmī ghaaT tak aa.e to nadī tak pahuñche

ḳhushī kī hālat meñ
yā aañsū bahāte hue

mirī ḳhushī ko yahī rabt bāhamī hai bahut
mirā muġhannī hai vo aur us kā shā.ir maiñ

mujh se salāh lī na ijāzat talab huī
be-vaj.h ruuTh baiThe haiñ apnī ḳhushī se aap

zamāna yaad rakkhegā tumheñ ye kaam kar jaanā
kisī afsurda chehre meñ ḳhushī ke rañg bhar jaanā

ġham ḳhushī rañg zindagī ke haiñ
raat bin din nayā nahīñ hotā

ye ġham nahīñ ki ḳhushī meñ bhī kuchh mazā na rahā
hameñ ye ġham hai ki ab ġham bhī jāñ-fazā na rahā

najīboñ se kyuuñ kar ḳhushī ho tumhārī
kamīnoñ kā hai daur hazrat-salāmat

apne dukhoñ ko un kī ḳhushī meñ chhupā.eñge
un kī hañsī kī bheñT utārā kareñge ham

ham ne to ḳhushī māñgī thī magar
jo tū ne diyā achchhā hī diyā

ġhamoñ ne gher liyā hai mujhe to kyā ġham hai
maiñ muskurā ke jiyūñgā tirī ḳhushī ke liye

hai āḳhir kis liye qazzāq-e-ġham paiham ta.āqub meñ
tasarruf meñ hamāre kyā koī lamha ḳhushī kā hai

'sa.īd' bād-e-samā.at navā-e-mutrib hai
ḳhushī kā giit bhī ab naġhma-e-fuġhāñ hī lage

ḳhvāhisheñ dīvār-e-girya par ḳhushī ke giit haiñ
rāste achchhe dinoñ ke ḳhvāb haiñ

maiñ bhuul aayā huuñ kahīñ ki chhīn le gayā koī ḳhabar nahīñ
jo maiñ ne rab se paa.ī thī mire nasīb kī ḳhushī kidhar ga.ī

nahīñ karte vo bāteñ ālam-e-rūyā meñ bhī ham se
ḳhushī ke ḳhvāb bhī dekheñ to be-ta.abīr hote haiñ

ye jo sarsarī sī nashāt hai ye to chand lamhoñ kī baat hai
mirī ruuh tak jo utar sake mujhe us ḳhushī kī talāsh hai

vahī merī ḳhushī kā mas.ala hai
jo sahrā meñ namī kā mas.ala hai