Tags-Khushi

kāmyābī se bahar-hāl ḳhushī hotī hai
hañs rahā hai mujhe dīvāna banāne vaalā

vo jo ek chehra damak rahā hai jamāl se
use mil rahī hai ḳhushī kisī ke ḳhayāl se

udaas āñkhoñ meñ kitne ḳhushī ke ḳhvāb haiñ aaj
tirī zamīn ke qarz ham pe be-hisāb haiñ aaj

hue āzim-e-mulk-e-adam jo 'havas' to ḳhushī ye huī thī ki ġham se chhuTe
par farāġh alam se na vaañ bhī milā vaañ ġham ye huā ki vo ham se chhuTe

ḳhudā jab tak na chāhe aadmī se kuchh nahīñ hotā
mujhe ma.alūm hai merī ḳhushī se kuchh nahīñ hotā

ḳhushī ko DhūñDhnā mumkin nahīñ is kaifiyat meñ
kuchh aise sānehe muskān par rakkhe hue haiñ

zarā sī der ko chehre damak to jaate haiñ
ḳhushī kā rañg ho yā ho ġham-o-malāl kā rañg

ḳhushī na mil sakī āñkheñ mirī pur-āb rahīñ
ḳhayāl-o-ḳhvāb kī bāteñ ḳhayāl-o-ḳhvāb rahīñ

allāh merī ḳhushī
niko pūchho sakhī

ahbāb ko de rahā huuñ dhokā
chehre pe ḳhushī sajā rahā huuñ

agar safar meñ hamārā bhī ham-safar hotā
baḌī ḳhushī se unhī pattharoñ pe so lete

kis ḳhushī kī talab nahīñ dil meñ
dard kuchh be-sabab nahīñ dil meñ

ye sach hai ham ko bhī khone paḌe kuchh ḳhvāb kuchh rishte
ḳhushī is kī hai lekin halqa-e-shar se nikal aa.e

tū hamesha māñgtā rahtā hai kyuuñ ġham se najāt
ġham nahīñ hoñge to kyā terī ḳhushī baḌh jā.egī

jis ko ġham ne hayāt baḳhshī ho
har ḳhushī vo ḳhushī nahīñ hotī

ḳhushī kahāñ kī hai 'ārif' ġhamoñ kā qissa hai
rifāqateñ bhī to ḳhvāboñ meñ Dhal ke aatī haiñ

ham to dushman ko dost kar lete
par kareñ kyā tirī ḳhushī hī nahīñ

aur hoñge tālib-e-mad.h-e-jahāñ
mujh ko bas terī ḳhushī darkār hai

haiñ qahqahe kisī ke kisī kī haiñ siskiyāñ
shāmil rahā ḳhushī meñ kisī bebasī kā shor

thaam lo tum ḳhushī ke dāman ko
muḳhtasar hai hayāt ḳhushiyoñ kī